திருவருட்பா · 80முறையீட்டுக் கண்ணி

வெருவிக்கும் வஞ்ச வெறுஞ்சொலெலாம் நெஞ்சில் வருவிக்குந் தோறுமுள்ளே வாளிட் டறுக்குதடா.

veruvikkum vanjcha veRunjcholelAm nenjchil varuvikkun tORumuLLE vALiT TaRukkutaTA.

ஊடும்போ துன்னை யுரைத்தவெலா நாயடியேன் நாடும்போ தெல்லாமென் னாடி நடுங்குதடா.

UTumpO tunnai yuraittavelA nAyaTiyEn nATumpO tellAmen nATi naTungkutaTA.

வாய்க்கடையா வன்சொல் வழங்கியவென் வன்மனத்தை நாய்க்கடையே னெண்ணுதொறும் நாடி நடுங்குதடா.

vAykkaTaiyA vanchol vazhangkiyaven vanmanattai nAykkaTaiyE neNNutoRum nATi naTungkutaTA.

கன்றி யுரைத்த கடுஞ்சொற் கடுவையெலாம் நன்றியிலே னெண்ணுதொறும் நாடி நடுங்குதடா.

kanRi yuraitta kaTunjchoR kaTuvaiyelAm nanRiyilE neNNutoRum nATi naTungkutaTA.

புன்மையினால் வன்சொற் புகன்றபுலைத் தன்மையெலாம் நன்மையிலே னெண்ணுதொறும் நாடி நடுங்குதடா.

punmaiyinAl vanchoR pukanRapulait tanmaiyelAm nanmaiyilE neNNutoRum nATi naTungkutaTA.

ஊனெண்ணும் வஞ்ச வுளத்தா லுரைத்தவெலாம் நானெண்ணுந் தோறுமென்ற னாடி நடுங்குதடா.

UneNNum vanjcha vuLattA luraittavelAm nAneNNun tORumenRa nATi naTungkutaTA.

வஞ்சனையா லஞ்சாது வன்சொல் புகன்றவெலாம் நஞ்சனையே னெண்ணுதொறும் நாடி நடுங்குதடா.

vanjchanaiyA lanjchAtu vanchol pukanRavelAm nanjchanaiyE neNNutoRum nATi naTungkutaTA.

கோணநெடு நெஞ்சக் குரங்காற் குதித்தவெலாம் நாணமிலே னெண்ணுதொறும் நாடி நடுங்குதடா.

kONaneTu nenjchak kurangkAR kutittavelAm nANamilE neNNutoRum nATi naTungkutaTA.

ஊனமிலா நின்னை யுரைத்தகொடுஞ் சொல்லையெலாம் ஞானமிலே னெண்ணுதொறும் நாடி நடுங்குதடா.

UnamilA ninnai yuraittakoTunj chollaiyelAm njAnamilE neNNutoRum nATi naTungkutaTA.

எற்றே மதியிலியே னெண்ணா துரைத்ததனைச் சற்றே நினைத்திடினுந் தாது கலங்குதடா.

eRRE matiyiliyE neNNA turaittatanaich chaRRE ninaittiTinun tAtu kalangkutaTA.

இனியேது செய்வே னிகழ்ந்துரைத்த சொல்லைத் தனியே நினைத்திடினுந் தாது கலங்குதடா.

iniyEtu cheyvE nikazhnturaitta chollait taniyE ninaittiTinun tAtu kalangkutaTA.

நாயனையே னெண்ணாம னலங்கியவன் சொல்லையெலாம் தாயனையா யெண்ணுதொறுந் தாது கலங்குதடா.

nAyanaiyE neNNAma nalangkiyavan chollaiyelAm tAyanaiyA yeNNutoRun tAtu kalangkutaTA.

நிற்குருகா வஞ்ச நினைவால் நினைத்தவெலாஞ் சற்குருவே யெண்ணுதொறுந் தாது கலங்குதடா.

niRkurukA vanjcha ninaivAl ninaittavelAnj chaRkuruvE yeNNutoRun tAtu kalangkutaTA.

வெந்நரகில் வீழும் விளைவால் விளம்பியதை என்னரசே யெண்ணுதொறு மென்னை விழுங்குதடா.

vennarakil vIzhum viLaivAl viLampiyatai ennarachE yeNNutoRu mennai vizhungkutaTA.

நன்கறியேன் வாளா நவின்ற நவையனைத்தும் என்குருவே யெண்ணுதொறு மென்னை விழுங்குதடா.

nankaRiyEn vALA navinRa navaiyanaittum enkuruvE yeNNutoRu mennai vizhungkutaTA.

ஆவ தறியா தடியே னிகழ்ந்தகொடும் பாவ நினைக்கிற் பகீரென் றலைக்குதடா.

Ava taRiyA taTiyE nikazhntakoTum pAva ninaikkiR pakIren RalaikkutaTA.

வந்திப் பறியேன் வழங்கியவன் சொல்லையெலாம் சிந்திக் கிலுள்ளே திடுக்கிட் டழுங்குதடா.

vantip paRiyEn vazhangkiyavan chollaiyelAm chintik kiluLLE tiTukkiT TazhungkutaTA.

குற்ற நினைத்த கொடுஞ்சொலெலா மென்னுளத்தே பற்ற நினைக்கிற் பயமா யிருக்குதடா.

kuRRa ninaitta koTunjcholelA mennuLattE paRRa ninaikkiR payamA yirukkutaTA.

எள்ளுகின்ற தீமை யெடுத்துரைத்தே னாங்கதனை விள்ளுகின்ற தோறு முள்ளம்வெந்து வெதும்புதடா.

eLLukinRa tImai yeTutturaittE nAngkatanai viLLukinRa tORu muLLamventu vetumputaTA.