உட்கப் படாஅர் ஒளியிழப்பர் எஞ்ஞான்றும்கட்காதல் கொண்டொழுகு வார்.
uTkap paTAar oLiyizhappar enjnjAnRumkaTkAtal koNTozhuku vAr
Kurale Kavithaiyai
பொருள் / உரை
முருகா எளிய உரை
மதுவுக்கு அடிமையாகி வாழ்பவர்களைப் பகைவரோ பிறரோ ஒருபோதும் மதிக்கவோ அஞ்சவோ மாட்டார்கள்; அதுமட்டுமின்றி, அவர்கள் தமக்குரிய நற்புகழையும் பெருமையையும் இழந்து சிறுமை அடைவார்கள்.
• கட்காதல் கொண்டொழுகுவார் = போதைக் கள்ளுக்கு அடிமையாகி நடப்பவர்,• எஞ்ஞான்றும் உட்கப்படாஅர் = எப்போதுமே பிறரால் அஞ்சப்பட மாட்டார்கள்,• ஒளியிழப்பர் = தமக்கிருந்த கம்பீரப் புகழையும் இழந்துவிடுவர்.
மு.வரதராசன்
கள்ளின் மேல் விருப்பம் கொண்டு நடப்பவர், எக்காலத்திலும் பகைவரால் அஞ்சப்படார், தமக்கு உள்ள புகழையும் இழந்து விடுவார்.
பரிமேலழகர்
கள் காதல் கொண்டு ஒழுகுவார் - கள்ளின்மேற் காதல் செய்தொழுகும் அரசர்; எஞ்ஞான்றும் உட்கப்படார் - எஞ்ஞான்றும் பகைவரான் அஞ்சப்படார்; ஒளி இழப்பர் - அதுவே அன்றி முன் எய்திநின்ற ஒளியினையும் இழப்பர். (அறிவின்மையால் பொருள் படை முதலியவற்றாற் பெரியராய காலத்தும் பகைவர் அஞ்சார், தம் முன்னோரான் எய்தி நின்ற ஒளியினையும் இகழற் பாட்டான் இழப்பர் என்பதாம். இவை இரண்டானும் அரசு இனிது செல்லாது என்பது இதனான் கூறப்பட்டது.)
சாலமன் பாப்பையா
போதைப் பொருள் மீத எப்போதும் பெருவிருப்பம் கொண்டு இருப்பவரைக் கண்டு எவரும் பயப்படமாட்டார். வாழும் காலத்து மரியாதையும் இழந்த போவார்கள்.
Meaning in English
Who love the palm's intoxicating juice, each day, No rev'rence they command, their glory fades away