கோளில் பொறியின் குணமிலவே எண்குணத்தான்தாளை வணங்காத் தலை.
kOLil poRiyin kuNamilavE eNkuNattAntALai vaNangkAt talai
திருக்குறள் 9: முருகா பாடல்
1 / 2
பொருள் / உரை
முருகா எளிய உரை
இறைவன் திருவடி வணங்காத தலை!எட்டு குணத்தவன் முன் குனியாத தலை!பார்க்காத கண்ணைப் போல அது பயன் இல்லை!கேட்காத காதைப் போல அது பயன் இல்லை!
• எண்குணத்தான் = எட்டு வகையான தெய்வீக நற்குணங்களை உடைய இறைவனுடைய• தாளை வணங்காத் தலை = திருவடிகளைப் பணிந்து வணங்காத தலைகள்,• கோள் இல் பொறியில் = பார்க்காத கண், கேட்காத செவி போன்ற செயலற்ற புலன்களைப் போல,• குணம் இலவே = எந்தப் பயனும் இல்லாத வெற்றுப் பொருட்களேயாகும்.
மு.வரதராசன்
கேட்காதசெவி, பார்க்காத கண் போன்ற எண் குணங்களை உடைய கடவுளின் திருவடிகளை வணங்காதவரின் தலைகள் பயனற்றவைகளாம்
பரிமேலழகர்
கோள் இல் பொறியில் குணம் இல - தத்தமக்கு ஏற்ற புலன்களைக் கொள்கை இல்லாத பொறிகள் போலப் பயன்படுதலுடைய அல்ல; எண் குணத்தான் தாளை வணங்காத் தலை - எண் வகைப்பட்ட குணங்களை உடையானது தாள்களை வணங்காத தலைகள். (எண்குணங்களாவன: தன்வயத்தன் ஆதல், தூய உடம்பினன் ஆதல், இயற்கை உணர்வினன் ஆதல், முற்றும் உணர்தல், இயல்பாகவே பாசங்களின் நீங்குதல், பேரருள் உடைமை, முடிவு இல் ஆற்றல் உடைமை, வரம்பு இல் இன்பம் உடைமை என இவை.இவ்வாறு சைவாகமத்துக் கூறப்பட்டது. 'அணிமா' வை முதலாக உடையன எனவும், 'கடை இலா அறிவை' முதலாக உடையன எனவும் உரைப்பாரும் உளர். காணாத கண் முதலியன போல வணங்காத தலைகள் பயன் இல எனத்தலைமேல் வைத்துக் கூறினார். கூறினாரேனும், இனம்பற்றி வாழ்த்தாத நாக்களும் அவ்வாறே பயன் இல என்பதூஉம் கொள்க. இவை மூன்று பாட்டானும் அவனை நினைத்தலும், வாழ்த்தலும், வணங்கலும் செய்யாவழிப் படும் குற்றம் கூறப்பட்டது.)
சாலமன் பாப்பையா
எண்ணும் நல்ல குணங்களுக்கு எல்லாம் இருப்பிடமான கடவுளின் திருவடிகளை வணங்காத தலைகள், புலன்கள் இல்லாத பொறிகள்போல, இருந்தும் பயன் இல்லாதவையே
Meaning in English
Before His foot, 'the Eight-fold Excellence,' with unbent head, Who stands, like palsied sense, is to all living functions dead