இகலிற்கு எதிர்சாய்தல் ஆக்கம் அதனைமிக்லூக்கின் ஊக்குமாம் கேடு.
ikaliR ketirsAytal Akkam atanaimikalUkkin UkkumAng kETu
Padmaja Sriram
பொருள் / உரை
முருகா எளிய உரை
மனமாறுபாடும் பகையுணர்ச்சியும் தோன்றும் போது அதற்கு இடம் தராமல் பணிந்து விலகுவது ஒருவனுக்கு நன்மையும் ஆக்கமும் தரும்; மாறாக அப்பகையை வளர்க்க ஊக்கப்படுத்தினால் பேரழிவு அவனிடம் விரைந்து வந்து சேரும்.
• இகலிற்கு எதிர்சாய்தல் ஆக்கம் = பகையுணர்வுக்கு இடம் தராமல் விலகுவது ஒருவனுக்கு ஆக்கமாகும்,• அதனை மிகலூக்கின் கேடு ஊக்குமாம் = அப்பகையை வளர்க்க முயன்றால் பேரழிவு விரைந்து வந்து சேரும்.
மு.வரதராசன்
இகலுக்கு எதிரே சாய்ந்து நடத்தல் ஒருவனுக்கு ஆக்கமாகும், அதனை எதிர்த்து வெல்லக்கருதினால் கேடு அவனிடம் வரக் கருதும்.
பரிமேலழகர்
இகலிற்கு எதிர் சாய்தல் ஆக்கம் - தன் உள்ளத்து மாறுபாடு தோன்றியவழி அதனை எதிர்தலையொழிதல் ஒருவனுக்கு ஆக்கம் ஆம்; அதனை மிகல் ஊக்கின் கேடு ஊக்குமாம் - அது செய்யாது அதன்கண் மிகுதலை மேற்கொள்வானாயின் கேடும் தன்கண் வருதலை மேற்கொள்ளும். (எதிர்தல் - ஏற்றுக்கோடல், சாய்ந்த பொழுதே வருதலின், சாய்தல் ஆக்கம் என்றார். 'இகலிற்கு' எனவும், 'அதனை' எனவும் வந்தன வேற்றுமை மயக்கம்.)
சாலமன் பாப்பையா
மனவேறுபாடு தோன்றும்போது அதை வரவேற்காமல் இருப்பது ஒருவனுக்குச் செல்வமாகும்; வரவேற்பது கேட்டையே வரவேற்பதாகும்.
Meaning in English
'Tis gain to turn the soul from enmity; Ruin reigns where this hath mastery