மையல் ஒருவன் களித்தற்றால் பேதைதன்கையொன்று உடைமை பெறின்.
maiyal oruvan kaLittaRRAR pEtaitankaiyon RuTaimai peRin
Krishnaraj
பொருள் / உரை
முருகா எளிய உரை
அறிவில்லாத ஒரு மூடன் எதிர்பாராமல் தன் கையில் செல்வத்தையோ அதிகாரத்தையோ பெற்றுவிட்டால், அவனது நிலைமையானது ஏற்கனவே பித்துப்பிடித்தவன் கள்ளையும் குடித்து வெறிபிடித்து அலைவதைப் போன்று பெரும் அழிவைத் தரும்.
• பேதைதன் கையொன்று உடைமை பெறின் = மூடன் தன் கையில் ஒரு செல்வத்தையோ அதிகாரத்தையோ பெற்றால்,• மையல் ஒருவன் களித்தற்றால் = பித்துப் பிடித்தவன் கள்ளையும் குடித்து வெறிபிடித்ததைப் போன்றதாகும்.
மு.வரதராசன்
பேதை தன் கையில் ஒரு பொருள் பெற்றால் (அவன் நிலைமை) பித்து பிடித்த ஒருவன் கள்குடித்து மயங்கினார் போன்றதாகும்.
பரிமேலழகர்
பேதை தன் கை ஒன்று உடைமை பெறின் - பேதையாயினான் தன் கைக்கண்ணே ஒன்றனை உடைமையாகப் பெற்றானாயின்; மையல் ஒருவன் களித்தற்று - அவன் மயங்குதல் முன்னே பித்தினை உடையானொருவன் அம்மயக்கத்தின்மேலே மதுவுண்டு மயங்கினாற்போலும். ('பெறின்' எனவே, தெய்வத்தான் அன்றித் தன்னாற் பெறாமை பெற்றாம். பேதைமையும் செல்வக் களிப்பும் ஒருங்கு உடைமையால் அவன் செய்வன, மையலும் மதுக்களிப்பும் ஒருங்குடையான் செய்வனபோல் தலை தடுமாறும் என்பதாம். இவை இரண்டு பாட்டானும் அவன் செல்வம் எய்தியவழிப் பயன் கொள்ளுமாறு கூறப்பட்டது.)
சாலமன் பாப்பையா
அறிவற்றவன் தன்னிடம் ஒன்றைச் சொந்தமாகப் பெறுவது, முன்பே பிடித்துப் பிடித்தவன், கள்ளால் மயங்கியும் நிற்பது போல் ஆகும்.
Meaning in English
When folly's hand grasps wealth's increase, 'twill be As when a mad man raves in drunken glee