வருவிருந்து வைகலும் ஓம்புவான் வாழ்க்கைபருவந்து பாழ்படுதல் இன்று.
varuviruntu vaikalum OmpuvAn vAzhkkaiparuvantu pAzhpaTutal inRu
Thirukkural
பொருள் / உரை
முருகா எளிய உரை
தினந்தோறும் விருந்தினரைப் போற்றுவான்!உபசரித்து இல்வாழ்க்கை நடத்துவான்!வறுமையினால் ஒருநாளும் வருந்தான்!கெட்டுப் பாழாகியே ஒருநாளும் போகான்!
• வருவிருந்து = தன்னை நாடி வரும் புதிய விருந்தினர்களை• வைகலும் = நாள்தோறும்• ஓம்புவான் = உபசரித்துப் போற்றும் ஒருவனின்• வாழ்க்கை = இல்லற வாழ்க்கையானது,• பருவந்து = வறுமைத் துன்பத்தால் வருந்தி• பாழ்படுதல் இன்று = கெட்டுப் பாழாகிப் போவதில்லை.
மு.வரதராசன்
தன்னை நோக்கி வரும் விருந்தினரை நாள் தோறும் போற்றுகின்றவனுடைய வாழ்க்கை, துன்பத்தால் வருந்திக் கெட்டுப் போவதில்லை.
பரிமேலழகர்
வருவிருந்து வைகலும் ஓம்புவான் வாழ்க்கை - தன்னை நோக்கி வந்த விருந்தை நாள்தோறும் புறந்தருவானது இல்வாழ்க்கை; பருவந்து பாழ்படுதல் இன்று - நல்குரவான் வருந்திக்கெடுதல் இல்லை. (நாள்தோறும் விருந்தோம்புவானுக்கு அதனான் பொருள் தொலையாது; மேன்மேல் கிளைக்கும் என்பதாம்.)
சாலமன் பாப்பையா
நாளும் வரும் விருந்தினரைப் பேணுபவனின் வாழ்க்கை வறுமைப்பட்டுக் கெட்டுப் போவது இல்லை.
Meaning in English
Each day he tends the coming guest with kindly care; Painless, unfailing plenty shall his household share