மிகச்செய்து தம்மெள்ளு வாரை நகச்செய்துநட்பினுள் சாப்புல்லற் பாற்று.
mikasseytu tammeLLu vArai nakasseytunaTpinuT sAppullaR pARRu
Amirthavarshini
பொருள் / உரை
முருகா எளிய உரை
வெளியில் அளவுக்கு அதிகமாக நட்புக் கொண்டாடி உள்ளுக்குள் இகழும் வஞ்சகர்களை, நாமும் வெளியே சிரித்துப் பேசி, அந்தப் போலி நட்பு உள்ளுக்குள்ளேயே சாகும்படி செய்து விலக்குவதே சான்றோரின் நெறியாகும்.
• மிகச்செய்து தம்மெள்ளுவாரை = வெளியே நட்பைக் காட்டி உள்ளே இகழ்பவரை,• நகச்செய்து நட்பினுள் சாப்புல்லற்பாற்று = வெளியே சிரிக்க வைத்து உள்ளே அந்நட்பு சாகும்படி விலக்க வேண்டும்.
மு.வரதராசன்
புறத்தே மிகுதியாக நட்புத் தோன்றச் செய்து அகத்தில் இகழ்கின்றவரைத் தாமும் அந் நட்பில் நகைத்து மகிழுமாறு செய்து அத் தொடர்பு சாகுமாறு நடக்க வேண்டும்.
பரிமேலழகர்
மிகச் செய்து தம் எள்ளுவாரை - பகைமை தோன்றாமல் புறத்தின்கண் நட்பினை மிகச்செய்து அகத்தின்கண் தம்மை இகழும் பகைவரை; நட்பினுள் நகச் செய்து சாப்புல்லற்பாற்று - தாமும் அந்நட்பின் கண்ணே நின்று புறத்தின்கண் அவர் மகிழும் வண்ணம் செய்து அகத்தின்கண் அது சாம்வண்ணம் பொருந்தற்பான்மை உடைத்து, அரச நீதி. ('நின்று' என்பதூஉம், 'அரசநீதி' என்பதூஉம் அவாய் நிலையான் வந்தன. அகனொன்று புறனொன்றாதல் ஒருவர்க்குத் தகாது எனினும், பகைவர் மாட்டாயின் தகும் என்பது நீதிநூல் துணிபு என்பார். அதன்மேல் வைத்துக் கூறினார். 'சாவ' என்பதன் இறுதி நிலை விகாரத்தால் தொக்கது. 'கோட்டின்வாய்ச் சாக்குத்தி' (கலித். முல்லை.5)என்புழிப்போல. 'எள்ளுவாரைப் புல்லல்' எனக் கூட்டுக.)
சாலமன் பாப்பையா
வெளியில் நண்பராய்ப் பெரிதுபடக் காட்டி, மனத்தே நம்மை இகழ்ந்து மகிழ்பவரை நாமும் வெளியில் அவரைச் சிரிக்க வைத்து, மனத்தே அம்மகிழ்ச்சி அழியும்படி போலி நண்பராகலாம்.
Meaning in English
'Tis just, when men make much of you, and then despise, To make them smile, and slap in friendship's guise