அன்புற்று அமர்ந்த வழக்கென்ப வையகத்துஇன்புற்றார் எய்தும் சிறப்பு.
anpuR Ramarnta vazhakkenpa vaiyakattuinpuRRAr eytum siRappu
Vaishaly
பொருள் / உரை
முருகா எளிய உரை
இவ்வுலகில் இன்புற்று வாழ்வோர் பேறாகும்!மேலான பேரின்பச் சிறப்பும் தான் ஆகும்!பிறரிடம் தூய அன்பு கொண்டதாகும்!அதுவே நல்வாழ்வின் தான் பயனும் ஆகும்!
• வையகத்து = இந்த பூவுலகில்• இன்புற்றார் எய்தும் சிறப்பு = மகிழ்ச்சியாக வாழ்ந்து மேலான பேரின்பச் சிறப்பை அடையும் பயனானது,• அன்பு உற்று = பிறரிடம் தூய அன்பு கொண்டு• அமர்ந்த வழக்கு என்ப = பொருந்தி வாழ்ந்த நல்வாழ்க்கையின் பலனே என்று அறிஞர் கூறுவர்.
மு.வரதராசன்
உலகத்தில் இன்பம் உற்று வாழ்கின்றவர் அடையும் சிறப்பு, அன்பு உடையவராகிப் பொருந்தி வாழும் வாழ்கையின் பயன் என்று கூறுவர்
பரிமேலழகர்
அன்பு உற்று அமர்ந்த வழக்கு என்ப - அன்புடையராய் இல்லறத்தோடு பொருந்திய நெறியின் பயன் என்று சொல்லுவர் அறிந்தோர்; வையகத்து இன்பு உற்றார் எய்தும் சிறப்பு - இவ்வுலகத்து இல்வாழ்க்கைக்கண் நின்று, இன்பம் நுகர்ந்து, அதன்மேல் துறக்கத்துச் சென்று எய்தும் பேரின்பத்தினை. ('வழக்கு' ஆகுபெயர். இல்வாழ்க்கைக்கண் நின்று மனைவியோடும் மக்களோடும் ஒக்கலோடும் கூடி இன்புற்றார் தாம் செய்த வேள்வித்தொழிலால் தேவராய் ஆண்டும் இன்புறுவர் ஆகலின் இன்புற்றார் எய்தும் சிறப்பு என்றார்.தவத்தால் துன்புற்று எய்தும் துறக்க இன்பத்தினை ஈண்டு இன்புற்று எய்துதல் அன்பானன்றி இல்லை என்பதாம்.)
சாலமன் பாப்பையா
இவ்வுலகில் வாழ்ந்து இன்பம் அடைந்தவர் பெறும் சிறப்பே அன்பு கொண்டு இல்வாழ்க்கை நடத்தியதன் பயன்தான் என்று அறிந்தோர் கூறுவர்
Meaning in English
Sweetness on earth and rarest bliss above, These are the fruits of tranquil life of love