ஆற்று பவர்க்கும் அரண்பொருள் அஞ்சித்தற்போற்று பவர்க்கும் பொருள்.
ARRu pavarkkum araNporuL anjsittaRpORRu pavarkkum poruL
Kurale Kavithaiyai
பொருள் / உரை
முருகா எளிய உரை
பகைவர் மீது படையெடுத்துச் சென்று போரிடும் ஆற்றல் மிக்கவர்களுக்கும் கோட்டை அரண் சிறந்த துணையாகும்; பகைவர்க்கு அஞ்சித் தங்களைப் பாதுகாத்துக் கொள்ள நினைப்பவர்க்கும் அரணே சிறந்த புகலிடமாகும்.
• ஆற்றுபவர்க்கும் அரண்பொருள் = போரிட்டு வெல்லச் செல்பவர்க்கும் அரண் சிறந்த சொத்தாகும்,• அஞ்சித் தன்போற்றுபவர்க்கும் பொருள் = பகைக்கு அஞ்சித் தற்காத்துக் கொள்வோருக்கும் அரணே புகலிடமாகும்.
மு.வரதராசன்
(படையெடுத்தும்) போர் செய்யச் செல்பவர்க்கும் அரண் சிறந்ததாகும், (படையெடுத்தவர்க்கு) அஞ்சித் தன்னை புகழிடமாக அடைந்தவர்க்கும் அது சிறந்ததாகும்.
பரிமேலழகர்
ஆற்றுபவர்க்கும் அரண் பொருள் - மூவகை ஆற்றலுமுடையராய்ப் பிறர்மேற் செல்வார்க்கும் அரண் சிறந்தது; அஞ்சித்தன் போற்றுபவர்க்கும் அரண் பொருள் - அவையின்றித் தம்மேல் வருவார்க்கு அஞ்சித் தன்னையே அடைவார்க்கும் அரண் சிறந்தது; (பிறர்மேல் செல்லுங்கால் உரிமை பொருள் முதலியவற்றைப் பிறனொருவன் வௌவாமல் வைத்துச் செல்ல வேண்டுமாகலானும், அப்பெருமை தொலைந்து இறுதி வந்துழிக் கடல் நடுவண் உடைகலத்தார் போன்று ஏமங்காணாது இறுவராகலானும், ஆற்றுபவர்க்கும் போற்றுபவர்க்கும் அரண் பொருளாயிற்று. ஆற்றல் உடையாராயினும் அரண் இல்வழி அழியும் பாலராகலின், அவரை முற்கூறினார். இதனான், அரணினது சிறப்புக் கூறப்பட்டது.)
சாலமன் பாப்பையா
பிறர்மேல் படை எடுத்துச் செல்பவர்க்கும் சிறந்தது அரண்; பிறருக்குப் பயந்து உள்ளிருப்பவர்க்கும் அதுவே சிறந்தது.
Meaning in English
A fort is wealth to those who act against their foes; Is wealth to them who, fearing, guard themselves from woes