மன்னர் விழைப விழையாமை மன்னரால்மன்னிய ஆக்கந் தரும்.
mannar vizhaipa vizhaiyAmai mannarAnmanniya Akkan tarum
Varshan
பொருள் / உரை
முருகா எளிய உரை
மன்னர்கள் தமக்கென விரும்பும் தனித்துவமான சிறப்புரிமைகளையும் ஆடம்பரங்களையும் தமக்கு வேண்டும் என ஆசைப்படாமல் இருப்பது, அம்மன்னராலேயே தமக்கு நிலைத்த செல்வத்தையும் மதிப்பையும் பெற்றுத் தரும்.
• மன்னர் விழைப விழையாமை = மன்னர் விரும்பும் ஆடம்பரங்களை தாம் விரும்பாதிருத்தல்,• மன்னரால் மன்னிய ஆக்கந்தரும் = மன்னராலேயே நிலைத்த பெருஞ்செல்வத்தைப் பெற்றுத் தரும்.
மு.வரதராசன்
அரசர் விரும்புகின்றவர்களைத் தாம் விரும்பாமலிருத்தல் (அரசரைச் சார்ந்திருப்பவர்க்கு) அரசரால் நிலையான ஆக்கத்தைப் பெற்றுத் தரும்.
பரிமேலழகர்
மன்னர் விழைப விழையாமை - தம்மால் சேரப்பட்ட மன்னர் விரும்புவனவற்றைத் தாம் விரும்பாதொழிதல்; மன்னரான் மன்னிய ஆக்கம் தரும் - அமைச்சர்க்கு அவரானே நிலைபெற்ற செல்வத்தைக் கொடுக்கும். (ஈண்டு 'விழைப' என்றது அவர்க்குச் சிறப்பாக உரியவற்றை. அவை: நுகரப்படுவன, ஒப்பனை, மேன்மை என்றிவை முதலாயின. இவற்றை ஒப்பிற்கு அஞ்சித் தாம் விழையா தொழியவே, அவ்வச்சம் நோக்கி உவந்து,அவர்தாமே எல்லாச் செல்வமும் நல்குவார் என்பது கருத்து. எனவே, அவற்றை விரும்பின் கேடு தரும் என்பதாம்.)
சாலமன் பாப்பையா
ஆட்சியாளருடன் பழகுபவர் ஆட்சியாளர் எவற்றை விரும்புகிறாரோ அவற்றை விரும்பாமல் இருப்பது, அவருக்கு ஆட்சியாளரால் நிலைத்த செல்வத்தைக் கொடுக்கும்.
Meaning in English
To those who prize not state that kings are wont to prize, The king himself abundant wealth supplies