ஒல்லும்வாய் எல்லாம் வினைநன்றே ஒல்லாக்கால்செல்லும்வாய் நோக்கிச் செயல்.
ollumvA yellAm vinainanRE ollAkkAlsellumvAy nOkkis seyal
Suriya Badrinath
பொருள் / உரை
முருகா எளிய உரை
இயலும் வழிகளில் எல்லாம் ஒரு செயலை நேரடியாகச் செய்து முடிப்பது நல்லது; அவ்வாறு இயலாத போது, அச்செயல் வெற்றியடையும் மாற்று வழிகளை ஆராய்ந்து தக்க உபாயத்தால் செய்து முடிக்க வேண்டும்.
• ஒல்லும்வாய் எல்லாம் வினைநன்றே = இயலும் வழிகளில் எல்லாம் காரியத்தை முடிப்பது நல்லது;• ஒல்லாக்கால் செல்லும்வாய் நோக்கிச் செயல் = இயலாத போது மாற்று வழியை ஆராய்ந்து முடிக்க வேண்டும்.
மு.வரதராசன்
இயலுமிடத்தில் எல்லாம் செயலைச் செய்து முடித்தல் நல்லது, இயலாவில்லையானால் பயன்படும் இடம் நோக்கியாவது செய்ய வேண்டும்.
பரிமேலழகர்
ஒல்லும் வாய் எல்லாம் வினை நன்று - வினை செய்யுங்கால் இயலுமிடத்தெல்லாம் போராற் செய்தல் நன்று; ஒல்லாக்கால் செல்லும் வாய் நோக்கிச் செயல் - அஃது இயலாவிடத்து ஏனை மூன்று உபாயத்துள்ளும் அது முடிவதோர் உபாயம் நோக்கிச் செய்க. (இயலுமிடம்: பகையின் தான் வலியனாகிய காலம். அக்காலத்துத் தண்டமே நன்று என்றார், அஞ்சுவது அதற்கேயாகலின். இயலா இடம் - ஒத்த காலமும் மெலிய காலமும். அவ்விரண்டு காலத்தும் சாமபேத தானங்களுள் அது முடியும் உபாயத்தாற் செய்க என்றார். அவை ஒன்றற்கொன்று வேறுபாடுடையவேனும் உடம்படுத்தற் பயத்தான் தம்முள் ஒக்கும் ஆகலின், இதனான், வலியான், ஒப்பான், மெலியான் என நிலை மூவகைத்து என்பதூஉம், அவற்றுள் வலியது சிறப்பும் கூறப்பட்டன.)
சாலமன் பாப்பையா
ஒரு செயலைச் செய்யும்போது சாம, தான, பேத, தண்டம் என்னும் எல்லா உபாயங்களிலும் தண்டம் என்னும் உபாயம் கொண்டு செய்வது நல்லது. அது பலன் அளிக்காத போது, பிற மூன்றினுள் ஏற்ற ஒன்று கொண்டு செய்க.
Meaning in English
When way is clear, prompt let your action be; When not, watch till some open path you see