ஒஓதல் வேண்டும் ஒளிமாழ்கும் செய்வினைஆஅதும் என்னு மவர்.
Ootal vENTum oLimAzhkunj seyvinaiAatu mennu mavar
Santosh Hariharan
பொருள் / உரை
முருகா எளிய உரை
வாழ்வில் மேன்மேலும் உயர்ந்த நிலையை அடைய விரும்புகின்றவர்கள், தம்முடைய நற்பெயரையும் புகழையும் மங்கச் செய்யும் இழிவான செயல்களைச் செய்வதை அடியோடு தவிர்த்துவிட வேண்டும்.
• ஆஅதும் என்னுமவர் = மேன்மேலும் உயர்வோம் என்று விரும்புகின்றவர்கள்,• ஒளிமாழ்கும் செய்வினை ஓஒதல் வேண்டும் = தம் புகழைக் கெடுக்கும் இழிவான செயல்களைச் செய்வதைத் தவிர்க்க வேண்டும்.
மு.வரதராசன்
மேன்மேலும் உயர்வோம் என்று விரும்பி முயல்கின்றவர் தம்முடைய புகழ் கெடுவதற்குக் காரணமான செயலைச் செய்யாமல் விட வேண்டும்.
பரிமேலழகர்
ஆதும் என்னும் அவர் - மேலாகக்கடவோம் என்று கருதுவார்; ஒளி மாழ்கும் வினை செய் ஓஒதல் வேண்டும் - தம் ஒளி கெடுதற்குக் காரணமாய வினையைச் செய்தலைத் தவிர்க. ('ஓஒதல்வேண்டும்' என்பது ஒரு சொல் நீர்மைத்து. ஓவுதல் என்பது குறைந்து நின்றது. ஒளி - தாம் உள காலத்து எல்லாரானும் நன்கு மதிக்கப்படுதல். 'செய்' என்னும் முதனிலைத் தொழிற்பெயர் மாற்றப்பட்டது. அன்றிச் செய்வினை என வினைத் தொகையாக்கியவழிப் பொருளின்மை அறிக. ஒளிகெட வருவது ஆக்கம் அன்று என்பதாம்.)
சாலமன் பாப்பையா
உயர்ந்து விடவேண்டும் என்று முயல்பவர் தாம் வாழும் காலத்துத் தம் மேன்மையை அழிக்கும் செயல்களைச் செய்வதைத் தவிர்க்க வேண்டும்.
Meaning in English
Who tell themselves that nobler things shall yet be won All deeds that dim the light of glory must they shun