வன்கண் குடிகாத்தல் கற்றறிதல் ஆள்வினையோடுஐந்துடன் மாண்டது அமைச்சு.
vankaN kuTikAttal kaRRaRital ALvinaiyOTaintuTan mANTa tamaissu
Swathi Krishna
பொருள் / உரை
முருகா எளிய உரை
அஞ்சாத மன உறுதி, மக்களைக் காக்கும் இரக்கம், நீதி நூல்களைக் கற்றறிந்த விவேகம், தளராத விடாமுயற்சி மற்றும் திட்டமிடும் திறன்கள் ஆகிய அனைத்தும் சிறப்புறப் பெற்றிருப்பவனே சிறந்த அமைச்சன் ஆவான்.
• வன்கண் = அஞ்சாத மன உறுதி,• குடிகாத்தல் = மக்களைக் காக்கும் பண்பு,• கற்றறிதல் = நூல்களைக் கற்றறிந்த நல்லறிவு,• ஆள்வினையோடு ஐந்துடன் மாண்டது அமைச்சு = விடாமுயற்சி மற்றும் திட்டமிடும் ஐந்திறனும் உடையவனே அமைச்சன்.
மு.வரதராசன்
அஞ்சாமையும், குடிபிறப்பும், காக்கும் திறனும், கற்றறிந்த அறிவும் முயற்சியும் ஆகிய இவ்வைந்தும் திருந்தப்பெற்றவன் அமைச்சன்.
பரிமேலழகர்
வன்கண் - வினை செய்தற்கண் அசைவின்மையும்; குடிகாத்தல் - குடிகளைக காத்தலும்; கற்று அறிதல் - நீதி நூல்களைக் கற்றுச் செய்வன தவிர்வன அறிதலும்; ஆள்வினையொடு - முயற்சியும்; ஐந்துடன் மாண்டது அமைச்சு - மேற்சொல்லிய அங்கங்கள் ஐந்துடனே திருந்த உடையானே அமைச்சனாவான். (எண்ணொடு நீண்டது. 'அவ்வைந்து' எனச் சுட்டு வருவிக்க. இந்நான்கனையும் மேற்கூறியவற்றோடு தொகுத்துக் கூறியது,. அவையும் இவற்றோடு கூடியே மாட்சிமைப்பட வேண்டுதலானும், அவற்றிற்கு ஐந்து என்னும் தொகை பெறுதற்கும். இனி, இதனை ஈண்டு எண்ணியவற்றிற்கே தொகையாக்கிக் குடிகாத்தல் என்பதனைக் குடிப்பிறப்பும் அதனை ஒழுக்கத்தால் காத்தலும் எனப் பகுப்பாரும் 'கற்று அறிதல்' என்பதனை கற்றலும் அறிதலும் எனப் பகுப்பாரும் உளர். அவர் 'உடன்' என்பதனை முற்றும்மைப் பொருட்டாக்கியும் 'குடி' என்பதனை ஆகுபெயராக்கியும் இடர்ப்படுப.)
சாலமன் பாப்பையா
செயலுக்கு ஏற்ற மன உறுதி, மக்களைக் காத்தல், உரிய நீதி நூல்களைக் கற்றல், கற்றாரிடம் கேட்டு அறிதல், முயற்சி ஆகிய ஐந்தையும் உடையவரே அமைச்சர்.
Meaning in English
A minister must greatness own of guardian power, determined mind, Learn'd wisdom, manly effort with the former five combined