தெய்வத்தான் ஆகா தெனினும் முயற்சிதன்மெய்வருத்தக் கூலி தரும்.
teyvattAn AkA teninum muyaRsitanmeyvaruttak kUli tarum
Pravin Saivi
பொருள் / உரை
முருகா எளிய உரை
விதியினாலோ சூழ்நிலையாலோ எதிர்பார்த்த முழு வெற்றி கைகூடாவிட்டாலும் கூட, ஒருவர் செய்த விடாமுயற்சியானது அவரது உடலுழைப்பிற்கேற்ற தக்க பலனை நிச்சயமாகத் தந்துவிடும்; உழைப்பு ஒருபோதும் வீணாகாது.
• தெய்வத்தான் ஆகாதெனினும் = விதியால் முழுப்பயன் கைகூடாவிட்டாலும் கூட,• முயற்சி = ஒருவன் செய்த விடாமுயற்சியானது,• தன் மெய்வருத்தக் கூலி தரும் = அவனது உடலுழைப்பிற்குரிய தக்க பலனை நிச்சயமாகத் தரும்.
மு.வரதராசன்
ஊழியின் காரணத்தால் ஒரு செயல் செய்ய முடியாமல் போகுமாயினும், முயற்சி தன் உடம்பு வருந்திய வருத்தத்தின் கூலியையாவது கொடுக்கும்.
பரிமேலழகர்
தெய்வத்தான் ஆகாது எனினும் - முயன்ற வினை பால்வகையால் கருதிய பயனைத் தாராதாயினும்; முயற்சி தன் மெய் வருத்தக் கூலி தரும் - முயற்சி தனக்கு இடமாய உடம்பு வருந்திய வருத்தத்தின் கூலிஅளவு தரும்; பாழாகாது. (தெய்வத்தான் ஆயவழித் தன் அளவின் மிக்க பயனைத் தரும் என்பது உம்மையால் பெற்றாம். இருவழியும் பாழாகல் இன்மையின், தெய்வம் நோக்கியிராது முயல்க என்பது கருத்து.)
சாலமன் பாப்பையா
விதி நமக்கு உதவ முடியாது போனாலும், முயற்சி நம் உடல் உழைப்பிற்கு ஏற்ற பலனைத் தரும்.
Meaning in English
Though fate-divine should make your labour vain; Effort its labour's sure reward will gain