இன்பம் விழையான் வினைவிழைவான் தன்கேளிர்துன்பம் துடைத்தூன்றும் தூண்.
inpam vizhaiyAn vinaivizhaivAn tankELirtunpam tuTaittUnRum tUN
Deepika Theagarajan
பொருள் / உரை
முருகா எளிய உரை
சுய சுகபோகங்களை விரும்பாமல் தான் மேற்கொண்ட கடமையை முடிப்பதையே விரும்பும் மனிதன், தன்னைச் சார்ந்த உறவினர்களின் துன்பத்தைப் போக்கி அவர்களைத் தாங்கும் உறுதியான தூணாக விளங்குவான்.
• இன்பம் விழையான் = தன் சொந்த சுகபோகங்களை விரும்பாதவனாய்,• வினைவிழைவான் = செயலை முடிப்பதையே விரும்புபவன்,• தன்கேளிர் துன்பம் துடைத்து ஊன்றும் தூண் = தன் சுற்றத்தாரின் துன்பத்தைப் போக்கித் தாங்கும் தூணாவான்.
மு.வரதராசன்
தன் இன்பத்தை விரும்பாதவனாய் மேற்க்கொண்டச் செயலை முடிக்க விரும்புகிறவன், தன் சுற்றத்தாரின் துன்பத்தைப் போக்கித் தாங்குகின்ற தூண் ஆவான்.
பரிமேலழகர்
இன்பம் விழைவான் வினை விழைவான் - தனக்கு இன்பத்தை விரும்பானாகி வினைமுடித்தலையே விரும்புவான்; தன் கேளிர் துன்பம் துடைத்து ஊன்றும் தூண் - தன் கேளிராகிய பாரத்தின் துன்பத்தினை நீக்கி அதனைத் தாங்கும் தூணாம். (இஃது ஏகதேச உருவகம், 'ஊன்றும்' என்றது அப்பொருட்டாதல், 'மதலையாய் மற்றதன் வீழூன்றி யாங்கு' (நாலடி.387) என்பதனானும் அறிக. சுற்றத்தார் நட்டாரது வறுமையும் தீர்த்து அவர்க்கு ஏமம் செய்யும் ஆற்றலை உடையவனாம், எனவே தன்னைக் கூறவேண்டாவாயிற்று. காரியத்தை விழையாது காரணத்தை விழைவான் எல்லாப் பயனும் எய்தும் என்றதனால், காரணத்தை விழையாது காரியத்தை விழைவான் யாதும் எய்தான் என்பது பெற்றாம். இதனான் அஃது உடையானது நன்மை கூறப்பட்டது.)
சாலமன் பாப்பையா
இன்பத்தை விரும்பாதவனாய்ச் செயல் செய்வதையே விரும்புபவன், தன் உறவும் நட்புமாகிய பாரத்தின் துன்பத்தைப் போக்கி, அதைத் தாங்கும் தூண் ஆவான்.
Meaning in English
Whose heart delighteth not in pleasure, but in action finds delight, He wipes away his kinsmen's grief and stands the pillar of their might