தாளாண்மை இல்லாதான் வேளாண்மை பேடிகைவாளாண்மை போலக் கெடும்.
tALANmai illAtAn vELANmai pETikaivALANmai pOlak keTum
Sarath Santhosh
பொருள் / உரை
முருகா எளிய உரை
உழைக்கும் விடாமுயற்சி இல்லாதவன் பிறருக்கு உதவி செய்வேன் என்று எண்ணுவது, போர்க்களத்தைக் கண்டு நடுங்கும் பேடியின் கையில் உள்ள வாளானது வீரச் செயலைச் செய்ய முடியாமல் பயனற்றுப் போவது போலாகும்.
• தாளாண்மை இல்லாதான் வேளாண்மை = உழைக்கும் விடாமுயற்சி இல்லாதவன் பிறருக்கு உதவ நினைப்பது,• பேடிகை வாளாண்மை போலக் கெடும் = அச்சம் கொண்ட பேடியின் கையிலுள்ள வாள் பயனற்றுப் போவது போல் அழியும்.
மு.வரதராசன்
முயற்சி இல்லாதவன் உதவிசெய்பவனாக இருத்தல், பேடி தன் கையில் வாளை எடுத்தும் ஆளும் தன்மைபோல் நிறைவேறாமல் போகும்.
பரிமேலழகர்
தாளாண்மை இல்லாதான் வேளாண்மை - முயற்சி இல்லாதவன் உபகாரியாம் தன்மை; பேடி கை வாள் ஆண்மை போலக் கெடும் - படை கண்டால் அஞ்சும் பேடி அதனிடைத் தன் கையில் வாளை ஆளுதல் தன்மை போல இல்லையாம்.('ஆள்' என்பது முதல்நிலைத் தொழிற்பெயர், பேடி வாளைப் பணிகோடற் கருத்து உடையளாயினும், அது தன் அச்சத்தால் முடியாதவாறு போல, முயற்சியில்லாதவன் பலர்க்கும் உபகரித்தற் கருத்துடையனாயினும், அது தன் வறுமையான் முடியாதுஎன்பதாம். 'வாளாண்மை' என்பதற்கு வாளாற் செய்யும்ஆண்மை என்று உரைப்பாரும் உளர். இதனான் அஃது இல்லாதானது குற்றம் கூறப்பட்டது.)
சாலமன் பாப்பையா
முயற்சி இல்லாதவன், பிறர்க்கு உதவுவேன் என்பது, படை கண்டு நடுங்கும் பேடி, களத்துள் நின்று தன் கை வாளைச் சுழற்றுதல் போல ஒரு பயனும் இல்லாமல் போகும்.
Meaning in English
Beneficent intent in men by whom no strenuous work is wrought, Like battle-axe in sexless being's hand availeth nought