காக்கை கரவா கரைந்துண்ணும் ஆக்கமும்அன்னநீ ரார்க்கே உள.
kAkkai karavA karaintuNNum AkkamumannanI rArkkE uLa
Maryanne J. George
பொருள் / உரை
முருகா எளிய உரை
எளிய காகம் கூடத் தனக்குக் கிடைத்த உணவை மறைக்காமல் தன் இனத்தைக் கூவி அழைத்துச் சேர்ந்து உண்ணும்; அத்தகைய பகிர்ந்தளிக்கும் உயர்ந்த குணம் உடையவர்களிடமே அழியாத செல்வமும் வாழ்வின் எல்லா உயர்வுகளும் வந்து சேரும்.
• காக்கை = எளிய காகமானது,• கரவா = தனக்குக் கிடைத்த இரையை மறைத்து வைக்காமல்,• கரைந்து உண்ணும் = தன் இனத்தைக் கூவி அழைத்து அவற்றுடன் பகிர்ந்தே உண்ணும்;• ஆக்கமும் = பெருகி வளரும் செல்வச் செழிப்பும்,• அன்ன நீரார்க்கே உள = அத்தகைய பகிர்ந்தளிக்கும் நற்குணம் கொண்டவர்களிடமே நிலைத்து நிற்கும்.
மு.வரதராசன்
காக்கை (தனக்கு கிடைத்ததை) மறைத்து வைக்காமல் சுற்றத்தைக் கூவி அழைத்து உண்ணும். ஆக்கமும் அத்தகைய இயல்பு உடையவர்க்கே உண்டு.
பரிமேலழகர்
காக்கை கரவா கரைந்து உண்ணும் - காக்கைகள் தமக்கு இரையாயின கண்டவழி மறையாது இனத்தை அழைத்து அதனோடும் கூட உண்ணாநிற்கும், ஆக்கமும் அன்ன நீரார்க்கே உள - சுற்றத்தான் எய்தும் ஆக்கங்களும் அப்பெற்றித்தாய இயல்பினை உடையார்க்கே உளவாவன. அவ்வாக்கங்களாவன: பகையின்மையும், பெருஞ்செல்வம்உடைமையும் முதலாயின, எச்ச உம்மையான் அறமும் இன்பமுமேஅன்றிப் பொருளும் எய்தும் என்பது பெறுதும். 'அப்பெற்றித்தாயஇயல்பு' என்றது தாம் நுகர்வன எல்லாம் அவரும்நுகருமாறு வைத்தல்.)
சாலமன் பாப்பையா
காக்கை தன் உணவை மறைக்காமல், தன் இனத்தைச் சத்தமிட்டு அழைத்து உண்ணும்; இதுபோன்ற குணம் உடையவர்க்கே செல்வமும் உள ஆகும்.
Meaning in English
The crows conceal not, call their friends to come, then eat; Increase of good such worthy ones shall meet