சிறைநலனும் சீரும் இலரெனினும் மாந்தர்உறைநிலத்தோடு ஒட்டல் அரிது.
siRainalanunj sIRum ilareninum mAntaruRainilattO ToTTa laritu
A. Padmanaban
பொருள் / உரை
முருகா எளிய உரை
பாதுகாப்பான கோட்டை அரண்களோ பெரும் படை வலிமையோ இல்லாத சாதாரண மனிதர்களாக இருந்தாலும் கூட, அவர்கள் தொடர்ந்து வாழும் சொந்த ஊருக்குள் சென்று அவர்களைத் தாக்கி வெல்வது எளிதான செயல் அல்ல.
• சிறை நலனும் = பாதுகாப்பான கோட்டை அரண்களும்• சீரும் = பெரும் படை வலிமையும்• இலர் எனினும் = இல்லாத எளியவர்களாயினும் கூட,• மாந்தர் உறை நிலத்தொடு = அந்த மக்கள் வாழும் சொந்த நிலப்பரப்பிற்குள் சென்று• ஒட்டல் அரிது = அவர்களைத் தாக்கி வெல்வது மிகக் கடினமாகும்.
மு.வரதராசன்
அரணாகிய நன்மையும் மற்றச் சிறப்பும் இல்லாதவராயினும் பகைவர் வாழ்கின்ற இடத்திற்குச் சென்று அவரைத் தாக்குதல் அரிது.
பரிமேலழகர்
சிறை நலனும் சீரும் இலர் எனினும் - அரண் அழித்தற்கு அருமையும் பெருமையுமாகிய ஆற்றல் உடையர் அல்லராயினும், மாந்தர் உறை நிலத்தொடு ஒட்டல் அரிது - வினைக்கு உரிய மாந்தரை அவர் உறைகின்ற நிலத்தின்கண் சென்று தாக்குதல் அரிது. ('நிலத்தொடு' என்பது வேற்றுமை மயக்கம். ஆண்மை உடையாரைச் சிறுமைநோக்கி இருப்பின்கண்சென்று தாக்கின், அவர் அது விட்டுப்போதல் துணிவினரன்றிச் சாதல் துணிவினராவர். ஆகவே, அவர்க்குப் பெரும்படை உடையும் என்பதாம்.)
சாலமன் பாப்பையா
மனிதர்கள் வலிமையான கோட்டையும், மிகுந்த பலமும் இல்லாதவர்தாம் என்றாலும் அவர்கள் இருக்கும் இடத்திற்கே சென்று தாக்குவது கடினம்.
Meaning in English
Though fort be none, and store of wealth they lack, 'Tis hard a people's homesteads to attack