ஆற்றாரும் ஆற்றி அடுப இடனறிந்துபோற்றார்கண் போற்றிச் செயின்.
ARRArum ARRi aTupa iTanaRintupORRArkaN pORRis seyin
S. N. Prabhu
பொருள் / உரை
முருகா எளிய உரை
சொல் பொருள் (பதவுரை):• இடன் அறிந்து = போரிடுவதற்குரிய மிகச் சாதகமான இடத்தைத் தேர்ந்தெடுத்து,• போற்றி = தம்மை எதிரிகளின் தாக்குதலில் இருந்து நன்கு பாதுகாத்துக் கொண்டு,• போற்றார்கண் செயின் = பகைவரிடத்தில் தகுந்த தாக்குதலை மேற்கொண்டு செயல்பட்டால்,• ஆற்றாரும் = ஆரம்பத்தில் வலிமை குறைவாக இருந்த எளியவர்களும் கூட,• ஆற்றி அடுப = பேராற்றல் கொண்டவர்களாக மாறி எதிரிகளை எளிதில் வீழ்த்தி வெல்வார்கள்.எளிய விளக்கம்:தாக்குதலுக்கு ஏற்ற சாதகமான நிலத்தைத் தேர்ந்தெடுத்து, தம்மையும் பாதுகாத்துக் கொண்டு செயல்பட்டால், வலிமை குறைந்த எளியவர்களும் கூடப் பேராற்றல் உடையவர்களாக மாறிப் பகைவரை எளிதில் வென்றுவிடுவார்கள்.
மு.வரதராசன்
தக்க இடத்தை அறிந்து தம்மைக் காத்துக் கொண்டு பகைவரிடத்திற் சென்று தம் செயலைச் செய்தால், வலிமை இல்லாதவறும் வலிமை உடையவராக வெல்வர்,
பரிமேலழகர்
ஆற்றாரும் ஆற்றி அடுப - வலியர் அல்லாதாரும் வலியாராய் வெல்வர், இடன் அறிந்து போற்றிப் போற்றார்கண் செயின் - அதற்கு ஏற்ற இடத்தினை அறிந்து, தம்மைக் காத்துப் பகைவர்மாட்டு வினை செய்வாராயின். ('வினை' என்பதூஉம் 'தம்மை' என்பதூஉம் அவாய் நிலையான் வந்தன. காத்தல், பகைவரான் நலிவு வராமல் அரணானும் படையானும் காத்தல். இவற்றான் வினை செய்வாராயின் மேற்சொல்லிய வலியின்றியும் வெல்வர் என்பதாம்.)
சாலமன் பாப்பையா
பலம் இல்லாதவர் என்றாலும்கூட ஏற்ற இடத்தை அறிந்து, தம்மையும் காத்து, பகைவரோடு மோதுபவர், பலம் உள்ளவராய்ப் பகையை அழிப்பர்.
Meaning in English
E'en weak ones mightily prevail, if place of strong defence, They find, protect themselves, and work their foes offence