தொடங்கற்க எவ்வினையும் எள்ளற்க முற்றும்இடங்கண்ட பின்அல் லது.
toTangkaRka evvinaiyum eLLaRka muRRumiTangkaNTa pinnal latu
Amirthavarshini
பொருள் / உரை
முருகா எளிய உரை
சொல் பொருள் (பதவுரை):• முற்றும் இடம் = எதிரிகளை முழுமையாக வளைத்துப் பிடிப்பதற்குரிய சாதகமான நில அமைப்பையும் இடத்தையும்,• கண்ட பின் அல்லது = கண்டறிந்து உறுதி செய்வதற்கு முன்பாக,• எவ்வினையும் தொடங்கற்க = எந்தவொரு செயலையும் அவசரப்பட்டுத் தொடங்கக் கூடாது;• எள்ளற்க = எதிரிகளை எளியவர்கள் என்று அலட்சியமாக இகழவும் கூடாது.எளிய விளக்கம்:பகைவரை முழுமையாக வளைத்து வெல்லக்கூடிய சாதகமான இடத்தை உறுதி செய்வதற்கு முன்பாக, எந்தவொரு செயலையும் அவசரப்பட்டுத் தொடங்கக் கூடாது; பகைவரை அற்பமானவர்கள் என்று அலட்சியமாக இகழவும் கூடாது.
மு.வரதராசன்
முற்றுகை செய்வதற்கு ஏற்ற இடத்தைக் கண்டபின் அல்லாமல் எச் செயலையும் தொடங்கக்கூடாது, பகைவரை இகழவும் கூடாது.
பரிமேலழகர்
முற்றும் இடம் கண்ட பின்அல்லது - பகைவரை முற்றுதற்கு ஆவதோர் இடம் பெற்றபின் அல்லது, எவ்வினையும் தொடங்கற்க - அவர்மாட்டு யாதொரு வினையையும் தொடங்காதொழிக, எள்ளற்க - அவரைச் சிறியர் என்று இகழாதொழிக. (முற்றுதல்: வளைத்தல். அதற்கு ஆம் இடமாவது: வாயில்களானும் நூழைகளானும் அவர் புகலொடு போக்கு ஒழியும் வகை அரணினைச் சூழ்ந்து. ஒன்றற்கு ஒன்று துணையாய்த் தம்முள் நலிவில்லாத பலபடை இருப்பிற்கும், மதிலும் அகழும் முதலிய அரண் செய்யப்பட்ட அரசிருப்பிற்கும் ஏற்ற, நிலக்கிடக்கையும் நீரும் உடையது. அது பெற்றால் இரண்டும் செய்க என்பதாம்.)
சாலமன் பாப்பையா
பகைவரை வளைத்து வெல்லும் இடத்தைக் காணும் முன் எந்தச் செயலையும் தொடங்க வேண்டா; பகைவரை அற்பர் என்று இகழவும் வேண்டா.
Meaning in English
Begin no work of war, depise no foe, Till place where you can wholly circumvent you know