உளவரை தூக்காத ஒப்புர வாண்மைவளவரை வல்லைக் கெடும்.
uLavarai tUkkAta oppura vANmaivaLavarai vallaik keTum
Dr. Vishnu Priya
பொருள் / உரை
முருகா எளிய உரை
தன்னிடம் உள்ள செல்வத்தின் உண்மை அளவை எண்ணிப் பார்க்காமல், வரம்பை மீறி மற்றவர்களுக்கு உதவிகளைச் செய்து கொண்டே இருந்தால், அவனது செல்வ வளம் மிக விரைவிலேயே அழிந்து போய்விடும்.
• உள வரை = தன்னிடம் உள்ள செல்வத்தின் உண்மை எல்லையை• தூக்காத = கணக்கிட்டுச் சீர்தூக்கிப் பார்க்காமல் செய்யக்கூடிய• ஒப்புரவு ஆண்மை = வரம்பு மீறிய சமுதாய உதவி மற்றும் ஈகை நற்குணமானது,• வள வரை = ஒருவனுடைய செல்வச் செழிப்பின் எல்லையை• வல்லைக் கெடும் = மிக விரைவிலேயே அடியோடு அழித்துவிடும்.
மு.வரதராசன்
தனக்கு பொருள் உள்ள அளவை ஆராயாமல் மேற்கொள்ளும் ஒப்புரவினால், ஒருவனுடைய செல்வத்தின் அளவு விரைவில் கெடும்.
பரிமேலழகர்
உள வரை தூக்காத ஒப்புரவு ஆண்மை - தனக்குள்ள அளவு தூக்காமைக்கு ஏதுவாய ஒப்புரவாண்மையால், வளவரைவல்லைக் கெடும் - ஒருவன் செல்வத்தின் எல்லை விரையக் கெடும். ('ஒப்புரவே ஆயினும் மிகலாகாது' என்றமையான், இதுவும் அது. இவை நான்கு பாட்டானும் மூவகை ஆற்றலுள் பெருமையின் பகுதியாய பொருள் வலியறிதல் சிறப்பு நோக்கி வகுத்துக் கூறப்பட்டது.)
சாலமன் பாப்பையா
பொருளாதார நிலையை எண்ணாது பிறர்க்குச் செய்யும் உபகாரத்தால் ஒருவனது செல்வத்தின் அளவு, விரைவில் கெடும்.
Meaning in English
Beneficence that measures not its bound of means, Will swiftly bring to nought the wealth on which it leans