அளவறிந்து வாழாதான் வாழ்க்கை உளபோலஇல்லாகித் தோன்றாக் கெடும்.
aLavaRintu vAzhAtAn vAzhkkai uLapOlaillAkit tOnRAk keTum
Karunya
பொருள் / உரை
முருகா எளிய உரை
தன் வருமானத்தின் உண்மை அளவை அறிந்து அதற்கேற்ப வாழத் தெரியாதவனுடைய வாழ்க்கை, வெளியே பார்ப்பதற்குச் செல்வம் கொழிப்பது போலத் தோன்றி, உண்மையில் ஒன்றுமில்லாமல் பொய்த்துப் போய் சுவடே தெரியாமல் அழிந்துவிடும்.
• அளவு அறிந்து = தனக்கு உள்ள பொருளின் உண்மை எல்லையையும் வரவு செலவையும் கணக்கிட்டு,• வாழாதான் வாழ்க்கை = அதற்கேற்ப வாழத் தெரியாத ஒருவனுடைய ஆடம்பர வாழ்க்கையானது,• உள போல = வெளியில் பார்ப்பதற்கு எல்லா வளங்களும் நிறைந்து இருப்பது போலத் தோன்றி,• இல்லாகி = உண்மையில் உள்ளுக்குள் ஏதுமற்ற வெற்றிடமாகி,• தோன்றாக் கெடும் = இறுதியில் அந்தப் போலித் தோற்றமும் மறைந்து சுவடே இல்லாமல் அடியோடு அழிந்து போகும்.
மு.வரதராசன்
பொருளின் அளவு அறிந்து வாழாதவனுடைய வாழ்க்கை (பல வளமும்) இருப்பது போல் தோன்றி இல்லாமல் மறைந்து கெட்டு விடும்.
பரிமேலழகர்
அளவு அறிந்து வாழாதான் வாழ்க்கை - தனக்குள்ள பொருளின் எல்லையை அறிந்து அதற்கு ஏற்ப வாழமாட்டா தான் வாழ்க்கைகள் : உளபோல இல்லாகித் தோன்றாக் கெடும் - உள்ளன போலத் தோன்றி, மெய்ம்மையின் இல்லையாய்ப் பின்பு அத்தோற்றமும் இன்றிக் கெட்டுவிடும். (அவ்வெல்லைக்கு ஏற்ப வாழ்தலாவது: அதனின் சுருக்கக்கூடாதாயின் ஒப்பவாயினும் ஈத்தும் துய்த்தும் வாழ்தல்.தொடக்கத்தில் கேடு வெளிப்படாமையின், 'உளபோலத் தோன்றி'என்றார். முதலிற் செலவு மிக்கால் வரும் ஏதம் கூறியவாறு.)
சாலமன் பாப்பையா
தன் சொத்தின் மதிப்பை அறிந்து அதற்கு ஏற்ப வாழாதவனின் வாழ்க்கை, இருப்பது போல் காட்சி தந்து இல்லாமல் அழிந்துவிடும்.
Meaning in English
Who prosperous lives and of enjoyment knows no bound, His seeming wealth, departing, nowhere shall be found