பீலிபெய் சாகாடும் அச்சிறும் அப்பண்டஞ்சால மிகுத்துப் பெயின்.
pIlipey sAkATum assiRum appaNTanjsAla mikuttup peyin
Anjana Padmanabhan
பொருள் / உரை
முருகா எளிய உரை
மயிலிறகு மிக மென்மையானதுதான்; ஆனால் அதையும் கூட அளவுக்கு மீறி வண்டியில் அடுக்கினால், வண்டியின் உறுதியான அச்சே முறிந்து போகும். அதுபோல எளிய பகைவர்கள் அல்லது சிறிய தவறுகளேயானாலும், அவை பலவாகக் கூடும் போது மாபெரும் பலசாலியையும் அழித்துவிடும்.
• பீலி பெய் சாகாடும் = மிக லேசான மயிலிறகை மட்டுமே ஏற்றிச் செல்லும் பார வண்டியே ஆனாலும்,• அப்பண்டம் = அந்த மெல்லிய மயிலிறகுகளையும் கூட• சால மிகுத்துப் பெயின் = வண்டி தாங்க முடியாத அளவுக்கு வரம்பு மீறி மிக அதிகமாக ஏற்றினால்,• அச்சு இறும் = அந்த வலிமையான வண்டியின் உறுதியான அச்சுக் கட்டையும் நடுவே முறிந்து போகும்.
மு.வரதராசன்
மயிலிறகு ஏற்றிய வண்டியே ஆனாலும் , அந்த பண்டமும் (அளவோடு ஏற்றாமல்) அளவு கடந்து மிகுதியாக ஏற்றினால் அச்சு முறியும்.
பரிமேலழகர்
பீலிபெய் சாகாடும் அச்சு இறும் - பீலியேற்றிய சகடமும் அச்சு முரியும், அப்பண்டம் சால மிகுத்துப் பெயின் - அப்பீலியை அது பொறுக்கும் அளவின்றி மிகுத்து ஏற்றின். (உம்மை சாகாட்டது வலிச்சிறப்பேயு மன்றிப் பீலியது நொய்மைச் சிறப்பும் தோன்ற நின்றது. 'இறும்' என்னுஞ் சினைவினை முதல்மேல் நின்றது. 'எளியர்' என்று பலரோடு பகைகொள்வான், தான் வலியனே ஆயினும் அவர் தொக்கவழி வலியழியும் , என்னும் பொருள் தோன்ற நின்றமையின் இது பிறிது மொழிதல் என்னும் அலங்காரம். இதனை 'நுவலா நுவற்சி' என்பாரும், 'ஒட்டு' என்பாரும்உளர். ஒருவன் தொகுவார் பலரோடு பகைகொள்ளற்க என்றமையின், இதனால் மாற்றான் வலியும் அவன் துணை வலியும் அறியா வழிப்படும் இழுக்குக் கூறப்பட்டது.)
சாலமன் பாப்பையா
மயில்தோகைதானே என்று அதை அளவுக்கு அதிகமாக வண்டியில் ஏற்றினால் வண்டியின் அச்சு முறிந்துபோகும்.
Meaning in English
With peacock feathers light, you load the wain; Yet, heaped too high, the axle snaps in twain