மனத்து ளதுபோலக் காட்டி ஒருவற்குஇனத்துள தாகும் அறிவு.
manattu LatupOlak kATTi oruvaRkinattuLa tAkum aRivu
Amirthavarshini
பொருள் / உரை
முருகா எளிய உரை
சொல் பொருள் (பதவுரை):• ஒருவற்கு = ஒரு மனிதனுக்கு• அறிவு = அவனது தனிப்பட்ட நுட்பமான அறிவு மற்றும் குணம்,• மனத்து உளது போலக் காட்டி = அவனது சொந்த மனத்திற்குள்ளேயே தானாக இருப்பது போலத் தோன்றினாலும்,• இனத்து உளதாகும் = உண்மையில் அவன் பழகுகின்ற நண்பர்களின் கூட்டத்திற்குள் உள்ளதே அவனது அறிவாக உருவெடுக்கிறது.எளிய விளக்கம்:ஒருவனது கூரிய அறிவும் சிந்தனையும் அவனது சொந்த மனத்தில் இருப்பது போலத் தோன்றினாலும், உண்மையில் அவன் சார்ந்திருக்கின்ற நண்பர்களின் கூட்டத்திற்குள்ளிருந்தே அந்த அறிவு உருவாகி வெளிப்படுகிறது.
மு.வரதராசன்
ஒருவனுக்கு சிறப்பறிவு மனத்தில் உள்ளது போலக் காட்டி (உண்மையாக நோக்கும் போது) அவன் சேர்ந்த இனத்தில் உள்ளதாகும்.
பரிமேலழகர்
அறிவு - அவ் விசேட உணர்வு, ஒருவற்கு மனத்து உளது போலக் காட்டி - ஒருவற்கு மனத்தின் கண்ணே உளதாவது போலத் தன்னைப் புலப்படுத்தி , இனத்து உளதாகும் - அவன் சேர்ந்த இனத்தின்கண்ணே உளதாம் . (மெய்ம்மை நோக்காமுன் மனத்துளது போன்று காட்டியும் , பின் நோக்கிய வழிப்பயின்ற இனத்துளதாயும் இருத்தலின் 'காட்டி' என இறந்த காலத்தால் கூறினார். 'விசேட உணர்வுதானும்' மனத்தின்கண்ணே அன்றேயுளதாவது'? என்பாரை நோக்கி ஆண்டு் புலப்படும் துணையே உள்ளது: அதற்கு மூலம் இனம் என்பது இதனான் கூறப்பட்டது.
சாலமன் பாப்பையா
அறிவு ஒருவன் மனத்துள் இருப்பது போலத் தோன்றும்; உண்மையில் அது அவன் சேர்ந்துள்ள இனத்தின்பால் இருந்து பெறப்படுவதே ஆகும்.
Meaning in English
Man's wisdom seems the offspring of his mind; 'Tis outcome of companionship we find