சிற்றினம் அஞ்சும் பெருமை சிறுமைதான்சுற்றமாச் சூழ்ந்து விடும்.
siRRinam anjsum perumai siRumaitAnsuRRamAs sUzhntu viTum
Pushpavanam Kuppusamy
பொருள் / உரை
முருகா எளிய உரை
உயர்ந்த குணமுடைய சான்றோர்கள் தீயவர்களின் கீழ்மைக் கூட்டத்தைக் கண்டு அஞ்சி விலகி நிற்பார்கள்; ஆனால் அற்ப குணம் கொண்டவர்களோ அத்தகைய தீய கூட்டத்தையே தமக்குரிய உற்ற நண்பர்களாகவும் சுற்றமாகவும் அணைத்துக் கொள்வார்கள்.
• பெருமை = உயர்ந்த பண்புடைய சான்றோர்களின் நற்குணம்,• சிற்றினம் அஞ்சும் = ஒழுக்கமற்ற கீழ்மக்களின் தீய சேர்க்கையைக் கண்டு அஞ்சி விலகி நிற்கும்;• சிறுமை தான் = ஆனால் இழிந்த கீழ்மைக் குணம் கொண்டவர்களோ,• சுற்றமாச் சூழ்ந்து விடும் = அத்தகைய தீய கூட்டத்தைத் தமக்குரிய உற்ற சொந்தமாகவும் நண்பர்களாகவும் கொண்டாடிச் சேர்த்துக் கொள்ளும்.
மு.வரதராசன்
பெரியோரின் இயல்பு சிற்றினத்தை அஞ்சி ஒதுக்கும், சிறியோரின் இயல்பு அதையே சுற்றமாக எண்ணித் தழுவிக் கொள்ளும்.
பரிமேலழகர்
பெருமை சிற்றினம் அஞ்சும் - பெரியோர் இயல்பு சிறிய இனத்தைச் அஞ்சாநிற்கும், சிறுமை தான் சுற்றமாச் சூழ்ந்து விடும் - ஏனைச் சிறியோர் இயல்பு அது சேர்ந்த பொழுதே அதனைத் தனக்குச் சுற்றமாக எண்ணித் துணியும். '(தத்தம் அறிவு திரியுமாறும் , அதனால் தமக்கு வரும் துன்பமும் நோக்கலின், அறிவுடையார் அஞ்சுவர் என்றும், அறிவு ஒற்றுமையான் பிறிது நோக்காமையின், அறிவிலாதார் தமக்குச் சுற்றமாகத் துணிவர் என்றும் கூறினார். பொருளின் தொழில்கள் பண்பின்மேல் நின்றன. இதனான் 'சிறிய இனம் பெரியோர்க்கு' ஆகாது' என்பது கூறப்பட்டது.)
சாலமன் பாப்பையா
தீய குணத்தாரோடு சேரப் பெரியோர் அஞ்சுவர்; சிறியாரோ அவர்களைத் தம் உறவாகவே கருதி விடுவர்.
Meaning in English
The great of soul will mean association fear; The mean of soul regard mean men as kinsmen dear