எதிரதாக் காக்கும் அறிவினார்க் கில்லைஅதிர வருவதோர் நோய்.
etiratAk kAkkum aRivinArk killaiatira varuvatOr nOy
Isai Bala
பொருள் / உரை
முருகா எளிய உரை
சொல் பொருள் (பதவுரை):• எதிரதாக் காக்கும் = எதிர்காலத்தில் வரவிருக்கின்ற ஆபத்துகளை முன்கூட்டியே அறிந்து, வருமுன் காத்து நிற்கும்• அறிவினார்க்கு = விவேகமுள்ள தொலைநோக்கு அறிவுடையோருக்கு,• அதிர வருவது ஓர் = மனமும் வாழ்க்கையும் நடுங்கித் திகைக்கும்படியாக வந்து தாக்குகின்ற• நோய் இல்லை = எந்தவொரு துன்பமும் ஒருபோதும் உண்டாவதில்லை.எளிய விளக்கம்:வரவிருக்கும் ஆபத்துகளை முன்கூட்டியே கணித்து, 'வருமுன் காக்கும்' தொலைநோக்கு அறிவுடையவர்களுக்கு, அவர்கள் மனம் நடுங்கும்படியாக வந்து தாக்கும் துன்பம் எதுவும் ஒருபோதும் நேர்வதில்லை.
மு.வரதராசன்
வரப்போவதை முன்னே அறிந்து காத்துக் கொள்ளவல்ல அறிவுடையவர்க்கு, அவர் நடுங்கும் படியாக வரக்கூடிய துன்பம் ஒன்றும் இல்லை.
பரிமேலழகர்
திரதாக் காக்கும் அறிவினார்க்கு - வரக்கடவதாகிய அதனை முன் அறிந்து காக்கவல்ல அறிவினை உடையார்க்கு, அதிர வருவது ஓர் நோய் இல்லை - அவர் நடுங்க வருவதொரு துன்பமும் இல்லை. ('நோய்' என வருகின்றமையின், வாளா 'எதிரதா' என்றார். இதனான் காக்கலாம் காலம் உணர்த்தப்பட்டது. காத்தல் - அதன் காரணத்தை விலக்குதல். அவர்க்குத் துன்பம்இன்மை இதனான் கூறப்பட்டது.)
சாலமன் பாப்பையா
நாளை வர இருப்பதை முன்னதாக அறிந்து காக்கும் அறிவை உடையோர்க்கு, அவர் நடுங்க வரும் துன்பமே இல்லை.
Meaning in English
The wise with watchful soul who coming ills foresee; From coming evil's dreaded shock are free