செல்வத்துட் செல்வஞ் செவிச்செல்வம் அச்செல்வம்செல்வத்து ளெல்லாந் தலை.
selvattuT selvanj sevisselvam asselvanjselvattu LellAn talai
Bhavatharini
பொருள் / உரை
முருகா எளிய உரை
சான்றோர்களின் அறிவார்ந்த உபதேசங்களைக் காதுகளால் கேட்டுப் பெறும் கேள்வி ஞானமே மனிதன் அடையும் செல்வங்களிலெல்லாம் மிகச் சிறந்த செல்வமாகும்; அதுவே பிற செல்வங்கள் எல்லாவற்றையும் விட முதன்மையான தலையாய செல்வமாகும்.
• செல்வத்துள் செல்வம் = மனிதன் அடையக்கூடிய செல்வங்களிலெல்லாம் மிகச் சிறந்த செல்வமானது,• செவிச் செல்வம் = சான்றோர்களின் நற்போதனைகளைக் காதுகளால் கேட்டறியும் 'கேள்விச் செல்வமே' ஆகும்;• அச்செல்வம் = அந்த அரிய கேள்விச் செல்வமானது,• செல்வத்துள் எல்லாம் தலை = பொன், பொருள் போன்ற பிற உலகத்துச் செல்வங்கள் எல்லாவற்றிலும் முதன்மையான தலையாய செல்வமாகும்.
மு.வரதராசன்
செவியால் கேட்டறியும் செல்வம், செல்வங்களுள் ஒன்றாகப் போற்றப்படும் செல்வமாகும், அச் செல்வம் செல்வங்கள் எல்லாவற்றிலும் தலையானதாகும்.
பரிமேலழகர்
செல்வத்துள் செல்வம் செவிச்செல்வம் - ஒருவருக்குச் சிறப்புடைய செல்வமானது செவியான் வரும் செல்வம், அச்செல்வம் செல்வத்துள் எல்லாம் தலை - அச்செல்வம் பிற செல்வங்கள் எல்லாவற்றினும் தலையாகலான். ( செவியான் வரும் செல்வம் - கேள்வியால் எல்லாப் பொருளையும் அறிதல். பிற செல்வங்கள் - பொருளால் வருவன. அவை நிலையா ஆகலானும், துன்பவிளைவின ஆகலானும், இது தலையாயிற்று. அவற்றை ஒழித்து இதனையே செய்க என்பது குறிப்பெச்சம்.)
சாலமன் பாப்பையா
செவியால் கேட்டுப் பெறும் செல்வமே சிறந்த செல்வம்; இது பிற செல்வங்கள் எல்லாவற்றிலும் முதன்மையானது.
Meaning in English
Wealth of wealth is wealth acquired be ear attent; Wealth mid all wealth supremely excellent