செயற்பால தோரும் அறனே ஒருவற்குஉயற்பால தோரும் பழி.
seyaRpAla tOrum aRanE oruvaRkuuyaRpAla tOrum pazhi
Meaning in English
'Virtue' sums the things that should be done; 'Vice' sums the things that man should shun
பொருள் / உரை
மு.வரதராசன்
ஒருவன் வாழ்நாளில் முயற்சி மேற்கொண்டு செய்யத்தக்கது அறமே. செய்யாமல் காத்து கொள்ளத்தக்கது பழியே.
பரிமேலழகர்
ஒருவற்குச் செயற்பாலது அறனே - ஒருவனுக்குச் செய்தற் பான்மையானது நல்வினையே; உயற்பாலது பழியே- ஒழிதற்பான்மையது தீவினையே. ( 'ஓரும்' என்பன இரண்டும் அசைநிலை. தேற்றேகாரம் பின்னும் கூட்டப்பட்டது. பழிக்கப்படுவதனைப் 'பழி' என்றார். இதனான் செய்வதும் ஒழிவதும் நியமிக்கப்பட்டன.)
சாலமன் பாப்பையா
ஒருவன் செய்யத் தக்கது அறமே; விட்டுவிடத் தக்கவை தீய செயல்களே.