வீழ்நாள் படாஅமை நன்றாற்றின் அஃதொருவன்வாழ்நாள் வழியடைக்கும் கல்.
vIzhnAL paTAamai nanRARRin aஃtoruvanvAzhnAL vazhiyaTaikkum kal
விருதை பொண்ணு - Virudhai Ponnu
பொருள் / உரை
முருகா எளிய உரை
சொல் பொருள் (பதவுரை):• வீழ்நாள் படாமை = அறம் செய்யாமல் ஒரு நாளும் வீணாகக் கழியாமல்,• நன்று ஆற்றின் = நாள்தோறும் நன்மையான தர்மங்களைச் செய்து வந்தால்,• அஃது = அந்த அறச்செயலானது• ஒருவன் வாழ்நாள் = ஒரு மனிதன் மீண்டும் பிறப்பெடுத்து உடலோடு வாழும்• வழி அடைக்கும் கல் = பிறவிச் சுழற்சிப் பாதையை நிரந்தரமாக அடைக்கும் பெரும் அடைப்புக் கல்லாகும்.எளிய விளக்கம்:நாள்தோறும் நல்லறம் தவறாது செய்வோமே!வீணாக ஒரு நாளும் நாம் போக விடோமே!அதுவே பிறவிக்குத் தடையாய் ஆகுமே!வாழ்நாளின் பாதையை அடைக்கும் கல் ஆகுமே!
மு.வரதராசன்
ஒருவன் அறம் செய்ய தவறிய நாள் ஏற்படாதவாறு அறத்தை செய்வானானால் அதுவே அவன் உடலோடு வாழும் நாள் வரும் பிறவி வழியை அடைக்கும் கல்லாகும்.
பரிமேலழகர்
வீழ்நாள் படாமை நன்று ஆற்றின் - செய்யாது கழியும் நாள் உளவாகாமல் ஒருவன் அறத்தைச் செய்யுமாயின்; அஃது ஒருவன் வாழ்நாள் வழி அடைக்கும் கல் - அச்செயல் அவன் யாக்கையோடு கூடும் நாள் வரும் வழியை வாராமல் அடைக்குங் கல்லாம். (ஐவகைக் குற்றத்தான் வரும் இருவகை வினையும் உள்ள துணையும், உயிர் யாக்கையோடும் கூடி நின்று, அவ்வினைகளது இருவகைப் பயனையும் நுகரும் ஆகலான், அந்நாள் முழுவதும் வாழ்நாள் எனப்பட்டது. குற்றங்கள் ஐந்து ஆவன : அவிச்சை, அகங்காரம், அவா, விழைவு, வெறுப்பு என்பன. இவற்றை வடநூலார் 'பஞ்சக்கிலேசம்' என்பர். வினை இரண்டு ஆவன : நல்வினை தீவினை என்பன. பயன் இரண்டு ஆவன: இன்பம் துன்பம் என்பன. இதனால் அறம் வீடு பயக்கும் என்பது கூறப்பட்டது.
சாலமன் பாப்பையா
அறத்தை செய்யாது விட்ட நாள் இல்லை என்று சொல்லும்படி ஒருவன் அறம் செய்தால், அச்செயலே, அவன் திரும்பப் பிறக்கும் வழியை அடைக்கும் கல் ஆகும்.
Meaning in English
If no day passing idly, good to do each day you toil, A stone it will be to block the way of future days of moil