அறத்தாறு இதுவென வேண்டா சிவிகைபொறுத்தானோடு ஊர்ந்தான் இடை.
aRattA Rituvena vENTA sivikaipoRuttAnO TUrntAn iTai
Mukesh
பொருள் / உரை
முருகா எளிய உரை
அறத்தின் பயனை விளக்கிடவும் வேண்டாம்!நாம் நூல்களைக் காட்டி நிரூபிக்கவும் வேண்டாம்!பல்லக்கைச் சுமப்பவனோ இடர் காணுமே!அதில் ஏறிச் செல்பவன் இன்பத்தைக் காணுமே!
• அறத்து ஆறு = நன்மையான அறநெறியின் பயன்• இது என வேண்டா = 'இத்தகையது' என்று நூல்களைக் காட்டி வாதிட வேண்டியதில்லை;• சிவிகை பொறுத்தானோடு = பல்லக்கைத் தன் தோளில் சுமந்து செல்பவனுக்கும்,• ஊர்ந்தான் இடை = அதன் உள்ளே அமர்ந்து சவாரி செய்பவனுக்கும் இடையே உள்ள வேற்றுமையைக் கண்டாலே அறத்தின் பயன் தெளிவாக விளங்கும்.
மு.வரதராசன்
பல்லக்கை சுமப்பவனும் அதன்மேலிருந்து ஊர்ந்து செல்லுவோனுமாகிய அவர்களிடையே அறத்தின் பயன் இஃது என்று கூறவேண்டா.
பரிமேலழகர்
அறத்து ஆறு இது என வேண்டா - அறத்தின் பயன் இது என்று யாம் ஆகம அளவையான் உணர்த்தல் வேண்டா; சிவிகை பொறுத்தானோடு ஊர்ந்தான் இடை - சிவிகையைக் காவுவானோடு செலுத்துவானிடைக் காட்சியளவை தன்னானே உணரப்படும். (பயனை 'ஆறு' என்றார், பின்னது ஆகலின். 'என' என்னும் எச்சத்தால் சொல் ஆகிய ஆகம அளவையும், 'பொறுத்தானோடு ஊர்ந்தானிடை' என்றதனால் காட்சியளவையும் பெற்றாம். உணரப்படும் என்பது சொல்லெச்சம். இதனான் அறம் பொன்றாத் துணையாதல் தெளிவிக்கப்பட்டது.
சாலமன் பாப்பையா
அறத்தைச் செய்வதால் வரும் பயன் இது என்று நூல்களைக் கொண்டு மெய்ப்பிக்க வேண்டியது இல்லை. பல்லக்கைத் தூக்கிச் செல்பவனையும் அதில் பயணிப்பவனையும் கண்ட அளவில் பயனை அறியலாம்.
Meaning in English
Needs not in words to dwell on virtue's fruits: compare The man in litter borne with them that toiling bear