இன்பம் இடையறா தீண்டும் அவாவென்னும்துன்பத்துள் துன்பங் கெடின்.
inpam iTaiyaRA tINTum avAvennuntunpattuL tunpang keTin
Sreevidya Pasumarthi
பொருள் / உரை
முருகா எளிய உரை
துன்பங்களிலெல்லாம் மிகக் கொடிய பெருந்துன்பமாகிய பேராசை ஒருவனின் உள்ளத்திலிருந்து அடியோடு அழிந்துவிட்டால், அவன் வாழும் இந்த பூமியிலேயே அவனுக்குப் பேரின்பமானது இடைவிடாமல் தொடர்ந்து உண்டாகும்.
• அவா என்னும் = மனிதனை வாட்டுகின்ற அடங்காத 'பேராசை' என்கின்ற• துன்பத்துள் துன்பம் கெடின் = துன்பங்களிலெல்லாம் மிகக் கொடிய பெருந்துன்பமானது உள்ளத்திலிருந்து அழிந்துவிட்டால்,• ஈண்டும் = மனிதன் வாழும் இந்த பூமியிலேயே• இன்பம் = எக்காலத்தும் அழியாத பேரின்ப நிலையானது• இடையறாது = ஒருபோதும் குறையாமல் தொடர்ந்து இடைவிடாமல் நிலைத்து நிற்கும்.
மு.வரதராசன்
அவா என்று சொல்லப்படுகின்ற துன்பங்களுள் பொல்லாதத் துன்பம் கெடுமானால் இவ் வுலகில் இன்பம் இடையறாமல் வாய்க்கும்.
பரிமேலழகர்
அவா என்னும் துன்பத்துள் துன்பம் கெடின் - அவா என்று சொல்லப்படுகின்ற மிக்க துன்பம் ஒருவற்குக் கெடுமாயின்; ஈண்டும் இன்பம் இடையறாது. அவன் வீடு பெற்ற வழியே அன்றி உடம்போடு நின்ற வழியும் இன்பம் இடையறாது. (துன்பத்துள்துன்பம் - ஏனைத்துன்பங்கள் எல்லாம் இன்பமாக வரும்துன்பம். விளைவின் கண்ணே அன்றித் தோற்றத்தின்கண்ணும் துன்பமாகலின், இவ்வாறு கூறப்பட்டது. காரணத்தைக்காரியமாக உபசரித்து அவா என்றும், 'துன்பத்துள்துன்பம்' என்றும், அது கெட்டார்க்கு மனம் தடுமாறாதுநிரம்பி நிற்றலான் 'ஈண்டும் இன்பம் இடையறாது'என்றும் கூறினார். இனி 'ஈண்டும்' என்பதற்குப் 'பெருகும்'என்று உரைப்பாரும் உளர். இதனால் அவா அறுத்தார்வீட்டின்பம் உடம்பொடு நின்றே எய்துவர் என்பதுகூறப்பட்டது.)
சாலமன் பாப்பையா
ஆசை எனப்படும் பெருந்துன்பம் இல்லாது போனால், இன்பம் இடைவிடாமல் வரும்.
Meaning in English
When dies away desire, that woe of woes Ev'n here the soul unceasing rapture knows