தலைப்பட்டார் தீரத் துறந்தார் மயங்கிவலைப்பட்டார் மற்றை யவர்.
talaippaTTAr tIrat tuRantAr mayangkivalaippaTTAr maRRai yavar
Kanusshi Madhanaprakash
பொருள் / உரை
முருகா எளிய உரை
அகப்பற்று, புறப்பற்று இரண்டையும் முழுமையாகத் துறந்தவர்களே முக்தி என்னும் தலையாய உயர்ந்த நிலையை அடைவார்கள்; அவ்வாறு முழுமையாகத் துறக்காத மற்றவர்களோ மாயை மயக்கத்தால் பிறவித் துன்பம் என்னும் கொடிய வலையில் சிக்கித் தவிப்பார்கள்.
• தீரத் துறந்தார் = உலகப் பற்றுகளையும் அகங்காரத்தையும் முழுமையாகத் துறந்த ஞானிகளே• தலைப்பட்டார் = முக்தி என்னும் தலையாய உயர்ந்த பேரின்ப நிலையை அடைந்தவர்கள் ஆவர்;• மற்றையவர் = அவ்வாறு முழுமையாகத் துறக்காத மற்ற மனிதர்களோ• மயங்கி = உலக ஆசை என்னும் மாயை மயக்கத்தால்• வலைப்பட்டார் = மீண்டும் மீண்டும் பிறவித் துன்பம் என்னும் கொடிய வலையில் சிக்கித் தவிப்பார்கள்.
மு.வரதராசன்
முற்றத் துறந்தவறே உயர்ந்த நிலையினர் ஆவர், அவ்வாறு துறக்காத மற்றவர் அறியாமையாகிய வலையில் அகப்பட்டவர் ஆவர்.
பரிமேலழகர்
தீரத் துறந்தார் தலைப்பட்டார் - முற்றத் துறந்தார் வீட்டினைத் தலைப்பட்டார், மற்றையவர் மயங்கி வலைப்பட்டார் - அங்ஙனம் துறவாதார் மயங்கிப் பிறப்பாகிய வலையுட்பட்டார். (முற்றத் துறத்தலாவது, பொருள்களையும் இருவகை உடம்பினையும் உவர்த்துப் பற்றற விடுதல். அங்ஙனம் துறவாமையாவது, அவற்றுள் யாதானும் ஒன்றின்கண் சிறிதாயினும் பற்றுச் செய்தல். துணிவுபற்றித் தலைப்பட்டார் என்றும், பொய்ந்நெறி கண்டே பிறப்பு வலையுள் அகப்படுதலின், 'மயங்கி' என்றும் கூறினார்.)
சாலமன் பாப்பையா
ஆசைகளை முழுவதுமாக விட்டு விட்டவரே நல்வாழ்விற்கு முயன்றவர். விடாதவரோ மயங்கி, பிறவி வலைக்குள் அகப்பட்டவரே.
Meaning in English
Who thoroughly 'renounce' on highest height are set; The rest bewildered, lie entangled in the net