இயல்பாகும் நோன்பிற்கொன்று இன்மை உடைமைமயலாகும் மற்றும் பெயர்த்து.
iyalpAkum nOnpiRkon Rinmai uTaimaimayalAkum maRRum peyarttu
Niveda Balakumar
பொருள் / உரை
முருகா எளிய உரை
எந்தவொரு பொருளின் மீதும் பற்று இல்லாமல் உடைமையற்று வாழ்வதே துறவுக்குரிய இயற்கை நெறியாகும்; ஏதேனும் ஒரு பொருளின் மீது பற்று வைத்தாலும் கூட, அது தவத்தைக் குலைத்து மீண்டும் உலக ஆசை மயக்கத்திற்குள் மனிதனைத் தள்ளிவிடும்.
• ஒன்று இன்மை = எந்தவொரு பொருளின் மீதும் பற்று இல்லாமல் முற்றிலும் உடைமைகள் அற்றிருத்தலே• நோன்பிற்கு இயல்பு ஆகும் = துறவு மற்றும் தவ வாழ்க்கைக்குரிய இயல்பான இலக்கணமாகும்;• உடைமை = ஏதேனும் ஒரு பொருளின் மீது பற்று வைத்து உடைமையாக வைத்திருப்பதோ,• பெயர்த்து = அந்த தவ நெறியைக் குலைத்து,• மற்றும் மயல் ஆகும் = மீண்டும் உலக ஆசை என்னும் மயக்கத்திற்குள் மனிதனைத் தள்ளிவிடும்.
மு.வரதராசன்
தவம் செய்தவற்கு ஒரு பற்றும் இல்லாதிருத்தல் இயல்பாகும், பற்று உடையவராக இருத்தல் மீண்டும் மயங்குவதற்கு வழியாகும்.
பரிமேலழகர்
ஒன்று இன்மை நோன்பிற்கு இயல்பு ஆகும் - பற்றப்படுவதொரு பொருளும் இல்லாமை தவம் செய்வார்க்கு இயல்பாம், உடைமை பெயர்த்து மற்றும் மயல் ஆகும் - அஃதன்றி, ஒன்றாயினும் உடைமை அத்தவத்தைப் போக்குதலான், மீண்டும் மயங்குவதற்கு ஏதுவாம். (இழிவுசிறப்பு உம்மை விகாரத்தால் தொக்கது. 'நோன்பு' என்பதூஉம், 'மயல்' என்பதூஉம் ஆகுபெயர். பெயர்த்தலான் என்பது திரிந்து நின்றது. 'நோன்பைப்பெயர்த்தலான்' என வேற்றுமைப்படுத்துக் கூட்டுக. எல்லாப்பொருள்களையும் விட்டு ஒரு பொருளை விடாதவழியும், அது சார்பாகவிட்டன எல்லாம் மீண்டும் வந்து தவத்திற்குஇடையீடாய் மனக்கலக்கம் செய்யும் என்பது கருத்து. இவை நான்கு பாட்டானும் 'எனது'என்னும் புறப்பற்று விடுதல் கூறப்பட்டது.)
சாலமன் பாப்பையா
உடைமை ஏதும் இல்லாதிருப்பது துறவின் இயல்பு. உடைமைகளை வைத்திருப்பதோ ஆசை என்னும் மயக்கத்தை மறுபடியும் தரும்.
Meaning in English
'Privation absolute' is penance true; 'Possession' brings bewilderment anew