யாதனின் யாதனின் நீங்கியான் நோதல்அதனின் அதனின் இலன்.
yAtanin yAtanin nIngkiyAn nOtalatanin atanin alan
Amirthavarshini
பொருள் / உரை
முருகா எளிய உரை
ஒரு மனிதன் எந்தெந்த உலகப் பொருட்களின் மீதிருந்த பற்றுகளை விட்டு விலகுகிறானோ, அந்தந்தப் பொருட்களால் வரும் துயரங்களிலிருந்தும் கவலைகளிலிருந்தும் அவன் முழுமையாக விடுபட்டு மன அமைதி பெறுகிறான்.
• யாதனின் யாதனின் = எந்தெந்த உலகப் பொருட்களிலிருந்தும் பற்றுகளிலிருந்தும்• நீங்கியான் = ஒரு மனிதன் தன் ஆசையை முழுமையாகத் துறந்து விடுகிறானோ,• அதனின் அதனின் = அந்தந்தப் பொருட்களால் உண்டாகக்கூடிய• நோதல் இலன் = எந்தவிதத் துன்பத்தையும், மனக்கவலையையும் அவன் ஒருபோதும் அடைவதில்லை.
மு.வரதராசன்
ஒருவன் எந்தப் பொருளிலிருந்து, எந்தப் பொருளிலிருந்து பற்று நீங்கியவனாக இருக்கின்றானோ, அந்தந்தப் பொருளால் அவன் துன்பம் அடைவதில்லை.
பரிமேலழகர்
யாதனின் யாதனின் நீங்கியான் - ஒருவன் யாதொரு பொருளின் யாதொரு பொருளின் நீங்கினான், அதனின் அதனின் நோதல் இலன் - அவன் அப்பொருளால் துன்பம் எய்துதல் இலன். (அடுக்குகள் பன்மை குறித்து நின்றன. நீங்குதல் - துறத்தல். ஈண்டுத்துன்பம் என்றது இம்மைக்கண் அவற்றைத் தேடுதலானும், காத்தலானும், இழத்தலானும் வருவனவும், மறுமைக்கண் பாவத்தான் வருவனவும் ஆய இருவகைத் துன்பங்களையும் ஆம். எல்லாப் பொருளையும் ஒருங்கே விடுதல் தலை, அஃதன்றி ஒரொ ஒன்றாக விடினும் அவற்றான் வரும் துன்பம் இலனாம் என்பது கருத்து.)
சாலமன் பாப்பையா
எந்த எந்தப் பொருள்களின் மேல் விருப்பம் இல்லாதவனாய் விலகுகிறானோ அவன் அந்த அந்த பொருள்களால் துன்பப்படமாட்டான்.
Meaning in English
From whatever, aye, whatever, man gets free, From what, aye, from that, no more of pain hath he