அறிவினான் ஆகுவ துண்டோ பிறிதின்நோய்தந்நோய்போல் போற்றாக் கடை.
aRivinAn Akuva tuNTO piRitinnOytannOypOR pORRAk kaTai
S. Mahathi
பொருள் / உரை
முருகா எளிய உரை
மற்ற உயிர்களுக்கு வரும் துன்பத்தைத் தனக்கு வந்த துன்பம் போலக் கருதி அவற்றைப் பாதுகாத்துக் காக்கவில்லை என்றால், ஒருவன் பெற்றுள்ள அறிவாலும் கல்வியாலும் என்ன பயன்? ஒரு பயனும் இல்லை.
• பிறிதின் நோய் = மற்ற உயிர்களுக்கும் மனிதர்களுக்கும் நேரும் துன்பத்தை• தம் நோய் போல் = தனக்கு நேர்ந்த சொந்தத் துன்பத்தைப் போல உணர்ந்து• போற்றாக் கடை = அவற்றைக் காப்பாற்றிக் காக்காவிட்டால்,• அறிவினான் = ஒருவன் கற்றுப் பெற்றுள்ள ஆன்ம அறிவினாலும் புத்தி கூர்மையினாலும்• ஆகுவது உண்டோ = உண்டாகும் பயன் வேறு ஏதேனும் உண்டோ? (ஒரு பயனும் இல்லை).
மு.வரதராசன்
மற்ற உயிரின் துன்பத்தை தன் துன்பம் போல் கருதிக் காப்பாற்றா விட்டால் பெற்றுள்ள அறிவினால் ஆகும் பயன் உண்டோ.
பரிமேலழகர்
அறிவினான் ஆகுவது உண்டோ - துறந்தார்க்கு உயிர் முதலியவற்றை உள்ளவாறறிந்த அறிவினான் ஆவதொரு பயன் உண்டோ, பிறிதின் நோய் தம் நோய்போல் போற்றாக்கடை - பிறிதோர் உயிர்க்கு வரும் இன்னாதவற்றைத் தம் உயிர்க்கு வந்தனபோலக் குறிக்கொண்டு காவா இடத்து? (குறிக்கொண்டு காத்தலாவது: நடத்தல், இருத்தல், நிற்றல், உண்டல் முதலிய தம் தொழில்களானும், பிறவாற்றானும் உயிர்கள் உறுவனவற்றை முன்னே அறிந்து உறாமல் காத்தல். இது பெரும்பான்மையும் அஃறிணைக்கண் நுண்ணிய உடம்பு உடையவற்றைப் பற்றி வருதலின் பொதுப்படப் 'பிறிதின் நோய்' என்றும், 'மறப்பான் அது துன்புறினும் நமக்கு இன்னா செய்தலாம்' என்று அறிந்து காத்தல் வேண்டும் ஆகலின், அது 'செய்யாவழி அறிவினான் ஆகுவது உண்டோ' என்றும் கூறினார். இதனால் சோர்வால்செய்தல்விலக்கப்பட்டது.)
சாலமன் பாப்பையா
அடுத்த உயிர்க்கு வரும் துன்பத்தைத் தமக்கு வந்ததாக எண்ணாவிட்டால், அறிவைப் பெற்றதால் ஆகும் பயன்தான் என்ன?
Meaning in English
From wisdom's vaunted lore what doth the learner gain, If as his own he guard not others' souls from pain