செய்யாமல் செற்றார்க்கும் இன்னாத செய்தபின்உய்யா விழுமந் தரும்.
seyyAmaR seRRArkkum innAta seytapinuyyA vizhuman tarum
Sinmaye Sivakumar
பொருள் / உரை
முருகா எளிய உரை
நாம் எவ்விதத் தவறும் செய்யாதிருந்தும் தன்மீது அநியாயமாகப் பகைத்துத் தீமை செய்தவர்களுக்கும் கூடப் பதிலுக்குத் தீமை செய்வோமானால், அந்தப் பழிவாங்கும் செயல் நமக்கே தப்பிக்க முடியாத பேரழிவையும் மீளாத் துயரத்தையும் தரும்.
• செய்யாமல் = தான் எவ்விதத் தீங்கும் செய்யாதிருந்தும்• செற்றார்க்கும் = தன்மீது அநியாயமாகப் பகைகொண்டு தீங்கிழைத்தவர்களுக்கும் கூட,• இன்னாத செய்தபின் = பதிலுக்கு நாமும் தீமைகளைச் செய்வோமானால்,• உய்யா விழுமம் தரும் = அச்செயல் நமக்கே தப்பிக்க முடியாத மீளாத் துன்பத்தையும் பாவத்தையும் கொண்டுவந்து சேர்க்கும்.
மு.வரதராசன்
தான் ஒன்றும் செய்யாதிருக்கத் தனக்குத் தீங்கு செய்தவர்க்கும் துன்பமானாவற்றைச் செய்தால் செய்தபிறகு தப்பமுடியாத துன்பத்தையே கொடுக்கும்.
பரிமேலழகர்
செய்யாமல் செற்றார்க்கும் இன்னாத செய்தபின் - தான் முன்பு ஓர் இன்னாமை செய்யாதிருக்கத் தன்மேல் செற்றம் கொண்டவர்க்கும் இன்னாதவற்றைத் துறந்தவன் செய்யுமாயின்; உய்யா விழுமம் தரும் - அச்செயல் அவனுக்குக் கடக்க முடியாத இடும்பையைக் கொடுக்கும். (அவ்விடும்பையாவது தவம் இழந்து பழியும் பாவமும் எய்துதல்.)
சாலமன் பாப்பையா
நாம் ஒரு தீமையும் செய்யாதிருக்க, கோபம் கொண்டு நமக்குத் தீமை செய்தவர்க்கு, நாம் தீமை செய்தால், தப்பிக்க முடியாத அளவு துன்பத்தை அது நமக்குத் தரும்.
Meaning in English
Though unprovoked thy soul malicious foes should sting, Retaliation wrought inevitable woes will bring