புறள்தூய்மை நீரான் அமையும் அகந்தூய்மைவாய்மையால் காணப் படும்.
puRantUymai nIrA namaiyum akantUymaivAymaiyAl kANap paTum
Akshara Kaushik
பொருள் / உரை
முருகா எளிய உரை
உடலின் வெளிப்படையான அழுக்குகள் நீரினால் கழுவிச் சுத்தமாகும்; ஆனால் ஒரு மனிதனின் உள்ளத்தின் தூய்மையானது அவன் பேசும் வாய்மையால் மட்டுமே தெளிவாக வெளிப்பட்டு உண்டாகும்.
• புறம் தூய்மை = உடலின் வெளிப்படையான உடல் தூய்மையானது• நீரான் அமையும் = தண்ணீரால் நீராடுவதால் உண்டாகும்;• அகம் தூய்மை = ஒருவனின் உள்ளத்தின் அகத் தூய்மையானது• வாய்மையால் = அவன் பேசும் உண்மை மற்றும் நேர்மையால் மட்டுமே• காணப்படும் = வெளிப்பட்டு உண்டாகும்.
மு.வரதராசன்
புறத்தே தூய்மையாக விளங்குதல் நீரினால் ஏற்ப்படும், அதுபோல அகத்தே தூய்மையாக விளங்குதல் வாய்மையால் உண்டாகும்.
பரிமேலழகர்
புறம் தூய்மை நீரான் அமையும் - ஒருவனுக்கு உடம்பு தூய்தாந் தன்மை நீரானே உண்டாம்: அகம் தூய்மை வாய்மையான் காணப்படும். - அதுபோல, மனம் தூய்தாந் தன்மை வாய்மையான் உண்டாம். "(காணப்படுவது உளதாகலின் , 'உண்டாம்' என்று உரைக்கப்பட்டது. உடம்பு தூய்தாதல்: வாலாமை நீங்குதல்: மனம் தூய்தாதல் மெய்யுணர்தல். புறம் தூய்மைக்கு நீரல்லது காரணம் இல்லாதாற் போல, அகம் தூய்மைக்கு வாய்மையல்லது காரணம் இல்லை என்பதாம். இதனானே, துறந்தார்க்கு இரண்டு தூய்மையும் வேண்டும்" என்பதூஉம் பெற்றாம்.)
சாலமன் பாப்பையா
உடம்பு தண்ணீரால் சுத்தமாகும்; உள்ளம் உண்மையால் சுத்தமாகும்.
Meaning in English
Outward purity the water will bestow; Inward purity from truth alone will flow