கணைகொடிது யாழ்கோடு செவ்விதுஆங் கன்னவினைபடு பாலால் கொளல்.
kaNaikoTiyatu yAzhkOTu sevvitAng kanaivinaipaTu pAlAR koLal
M.M. Manasi
பொருள் / உரை
முருகா எளிய உரை
நேரான வடிவம் கொண்ட அம்பு கொடிய கொலைச் செயலைச் செய்கிறது; ஆனால் வளைந்த யாழின் தண்டு இனிய இசையைத் தருகிறது. அதுபோலவே, மனிதர்களின் வெளித்தோற்றத்தைக் கொண்டு அல்லாமல், அவர்களது நற்செயல் மற்றும் தீச்செயல்களைக் கொண்டே அவர்களின் தன்மையை எடைபோட வேண்டும்.
• கணை கொடிது = வடிவில் நேராக இருந்தாலும் அம்பு கொடிய கொலைத் தொழில் செய்யும்;• யாழ் கோடு = வடிவில் வளைந்திருந்தாலும் யாழின் கொம்பு• செவ்விது = இனிய இசையையும் நன்மையையும் தரும்;• ஆங்கு அன்ன = அதுபோலவே மனிதர்களையும்• வினைபடு பாலால் கொளல் = வெளித்தோற்றத்தால் எடைபோடாமல், அவர்கள் செய்யும் செயல்களின் தன்மையைக் கொண்டே நல்லவர் கொடியவர் என்று தீர்மானிக்க வேண்டும்.
மு.வரதராசன்
நேராகத் தோன்றினும் அம்பு கொடியது; வளைவுடன் தோன்றினாலும் யாழின் கொம்பு நன்மையானது. மக்களின் பண்புகளையும் செயல்வகையால் உணர்ந்துகொள்ள வேண்டும்.
பரிமேலழகர்
கணை கொடிது யாழ் கோடு செவ்விது - அம்பு வடிவால் செவ்விதாயினும், செயலால் கொடிது, யாழ் கோட்டால் வளைந்ததாயினும் செயலால் செவ்விது. ஆங்கு அன்ன வினைபடு பாலால் கொளல் - அவ்வகையே தவம் செய்வோரையும் கொடியர் செவ்வியர் என்பது வடிவால் கொள்ளாது அவர்செயல்பட்ட கூற்றானே அறிந்து கொள்க. (கணைக்குச்செயல் கொலை, யாழுக்குச் செயல் இசையால் இன்பம் பயத்தல். அவ்வகையே செயல் பாவமாயின் கொடியர் எனவும், அறமாயின் செவ்வியர் எனவுங் கொள்க என்பதாம். இதனால் அவரை அறியும் ஆறு கூறப்பட்டது.)
சாலமன் பாப்பையா
வடிவால் நேரானது என்றாலும் செயலால் அம்பு கொடியது. கழுத்தால் வளைந்தது ஆயினும் செயலால் யாழ் இனிது. அதனால் தோற்றத்தால் அன்றிச் செயலால் மனிதரை எடை போடுக.
Meaning in English
Cruel is the arrow straight, the crooked lute is sweet, Judge by their deeds the many forms of men you meet