தவஞ்செய்வார் தங்கருமஞ் செய்வார்மற் றல்லார்அவஞ்செய்வார் ஆசையுட் பட்டு.
tavanjseyvAr tangkarumanj seyvArmaR RallAravanjseyvAr AsaiyuT paTTu
V.M.Mahalingam
பொருள் / உரை
முருகா எளிய உரை
தன் மனதையும் புலன்களையும் அடக்கித் தவம் செய்பவரே மனிதப் பிறவியின் மெய்யான கடமையைச் செய்பவர் ஆவார்; அத்தகைய தவ ஒழுக்கம் இல்லாத மற்றவர்களோ உலக ஆசைகளில் சிக்கித் தமக்குத் தாமே கேடு விளைவித்து வாழ்க்கையை வீணடிப்பவர்கள் ஆவர்.
• தவம் செய்வார் = புலனடக்கத்தோடு கூடிய தவ ஒழுக்கத்தை மேற்கொள்பவரே• தம் கருமம் செய்வார் = தன் உயிருக்கு நன்மை தரும் உண்மையான கடமையைச் செய்பவர் ஆவர்;• மற்று அல்லார் = அத்தகைய தவநெறி இல்லாத மற்றவர்களோ• ஆசையுள் பட்டு = சிற்றின்ப ஆசைகளின் வலையில் சிக்கிக்கொண்டு• அவம் செய்வார் = தமக்குத் தாமே வீணான அழிவையும் கேடுகளையும் செய்து கொள்பவர்கள் ஆவர்.
மு.வரதராசன்
தவம் செய்கின்றவரே தமக்குரிய கடமையைச் செய்கின்றவர் ஆவர், அவர் அல்லாத மற்றவர் ஆசை வலையில் அகப்பட்டு வீண் முயற்சி செய்கின்றவரே.
பரிமேலழகர்
தம் கருமம் செய்வார் தவம் செய்வார் - தம் கருமம் செய்வாராவார் துறந்து தவத்தைச் செய்வார், மற்று அல்லார் ஆசையுள் பட்டு அவம் செய்வார் - ஒழிந்த பொருள் இன்பங்களைச் செய்வார், அவற்றின்கண் ஆசையாகிய வலையுள்பட்டுத் தமக்குக் கேடு செய்வார். (அநித்தமாய் மூவகைத் துன்பத்ததாய் உயிரின் வேறாய உடற்கு வருத்தம் வரும் என்று ஒழியாது தவத்தினைச் செய்ய, பிறப்புப் பிணிமூப்பு இறப்புக்களான் அநாதியாகத் துன்பம் எய்தி வருகின்ற உயிர் ஞானம் பிறந்து வீடு பெறும் ஆகலின், தவம் செய்வாரைத் 'தம் கருமம் செய்வார்' என்றும், கணத்துள் அழிவதான சிற்றின்பத்தின் பொருட்டுப் பலபிறவியும் துன்புறத்தக்க பாவஞ்செய்து கோடலின், அல்லாதாரை 'அவம் செய்வார்' என்றும் கூறினார். 'மற்று' வினைமாற்றின்கண் வந்தது.)
சாலமன் பாப்பையா
தவத்தைச் செய்பவரே தமக்குரிய செயலைச் செய்தவர்; மற்றவர்களோ ஆசை வலைப்பட்டு வீணானவற்றைச் செய்தவர் ஆவர்.
Meaning in English
Who works of 'penance' do, their end attain, Others in passion's net enshared, toil but in vain