தவமும் தவமுடையார்க்கு ஆகும் அவமதனைஅஃதிலார் மேற்கொள் வது.
tavamun tavamuTaiyArk kAkum avamatanaiaஃtilAr mERkoL vatu
Jenani Parthasarathy
பொருள் / உரை
முருகா எளிய உரை
உண்மையான தவத்தின் ஆற்றல் மனக் கட்டுப்பாடும் பக்குவமும் உடையவர்களுக்கே கைகூடும்; அத்தகைய உள்ளடக்கமும் பக்குவமும் இல்லாதவர்கள் தவக்கோலம் பூண்டு முயல்வது பயனற்ற வீண் முயற்சியாகவே முடியும்.
• தவமும் = மெய்யான தவ ஒழுக்கமானது• தவம் உடையார்க்கு ஆகும் = முந்தைய பக்குவமும் உள்ளடக்கமும் கொண்ட சான்றோர்களுக்கே கைகூடி வரும்;• அஃது இலார் = அத்தகைய மனக் கட்டுப்பாடு இல்லாதவர்கள்• அதனை மேற்கொள்வது = வீணாகத் தவக்கோலம் பூண்டு முயல்வது• அவம் = பயனற்ற வீண் செயலாகவே முடியும்.
மு.வரதராசன்
தவக்கோலமும் தவஒழுக்கமும் உடையவர்க்கே பொருந்துவதாகும்; அக் கோலத்தை தவஒழுக்கம் இல்லாதவர் மேற்கொள்வது வீண்முயற்சியாகும்.
பரிமேலழகர்
தவமும் தவம் உடையார்க்கு ஆகும் - பயனே அன்றித் தவந்தானும் உண்டாவது முன்தவம் உடையார்க்கே, அதனை அஃது இலார் மேற்கொள்வது அவம் - ஆகலான், அத்தவத்தை அம்முன்தவம் இல்லாதார் முயல்வது பயன் இல் முயற்சியாம். (பரிசயத்தால் அறிவும் ஆற்றலும் உடையராய் முடிவு போக்கலின், 'தவம் உடையார்க்கு ஆகும்' என்றும், அஃது இல்லாதார்க்கு அவை இன்மையான் முடிவு போகாமையின், 'அவம் ஆம்' என்றும் கூறினார்.)
சாலமன் பாப்பையா
முற்பிறப்பில் தவ நோக்கம் பெற்றிருந்தவர்க்கே இப்பிறப்பில் தவம் செய்ய நேரும். அத்தகைய நோக்கம் இல்லாதவர், இப்போது தவத்தை மேற்கொள்வதும் வீண்தான்.
Meaning in English
To 'penitents' sincere avails their 'penitence'; Where that is not, 'tis but a vain pretence