நயனில சொல்லினுஞ் சொல்லுக சான்றோர்பயனில சொல்லாமை நன்று.
nayanila sollinunj solluka sAnROrpayanila sollAmai nanRu
Amirthavarshini
பொருள் / உரை
முருகா எளிய உரை
சான்றோர்கள் அறத்தோடு பொருந்தாத சொற்களைத் தவறுதலாகச் சொன்னால்கூடப் பொறுத்துக் கொள்ளலாம்; ஆனால் எந்தப் பயனும் இல்லாத வெற்றுச் சொற்களை ஒருபோதும் பேசாமல் இருப்பதே அவர்களுக்குப் பெருமை தரும் நன்மையாகும்.
• சான்றோர் = உயர்ந்த நற்குணம் கொண்ட சான்றோர்கள்• நயனில சொல்லினும் சொல்லுக = அறத்தோடு பொருந்தாத சொற்களைச் சொன்னாலும் சொல்லலாம்;• பயனில = ஆனால் எவ்விதப் பயனுமற்ற வெற்றுச் சொற்களை• சொல்லாமை நன்று = பேசாமல் தவிர்ப்பதே மிகச் சிறந்த நன்மையாகும்.
மு.வரதராசன்
அறம் இல்லாதவற்றைச் சொன்னாலும் சொல்லலாம், சான்றோர் பயன் இல்லாத சொற்களைச் சொல்லாமல் இருத்தல் நன்மையாகும்.
பரிமேலழகர்
நயன் இல சான்றோர் சொல்லினும் சொல்லுக - சான்றோர் நீதியோடு படாத சொற்களைச் சொன்னாராயினும் அஃது அமையும், பயன் இல சொல்லாமை நன்று - அவர் பயன் இலவற்றைச் சொல்லாமை பெறின், அது நன்று ('சொல்லினும்' எனவே, சொல்லாமை பெறப்பட்டது. நயன் இலவற்றினும் பயன் இல தீய என்பதாம்.)
சாலமன் பாப்பையா
நீதியற்ற சொற்களைச் சொன்னாலும் பயனற்ற சொற்களைச் சொல்லாமல் இருப்பது சான்றோர்க்கு நல்லது.
Meaning in English
Let those who list speak things that no delight afford, 'Tis good for men of worth to speak no idle word