நயனிலன் என்பது சொல்லும் பயனிலபாரித் துரைக்கும் உரை.
nayanila nenpatu sollum payanilapArit turaikkum urai
Pallavi Vinothkumar
பொருள் / உரை
முருகா எளிய உரை
பயனற்ற அற்ப விஷயங்களை ஒருவன் நீட்டி முழக்கி விரிவாகப் பேசும் அந்த வெற்றுப் பேச்சே, அவன் அறநெறியும் நீதியும் இல்லாத வீணன் என்பதை உலகுக்கு அப்பட்டமாக வெளிப்படுத்திவிடும்.
• பயனில = பயனற்ற வெற்றுச் செய்திகளை• பாரித்து உரைக்கும் உரை = ஒருவன் விரித்துப் பேசும் அந்தப் பேச்சே,• நயனிலன் என்பது = 'இவன் தர்மமும் நீதியும் அற்றவன்' என்பதை• சொல்லும் = உலகுக்கு வெளிப்படுத்திக் காட்டிவிடும்.
மு.வரதராசன்
ஒருவன் பயனில்லா பொருள்களைப் பற்றி விரிவாகச் சொல்லும் சொற்கள், அவன் அறம் இல்லாதவன் என்பதை அறிவிக்கும்.
பரிமேலழகர்
பயன் இல பாரித்து உரைக்கும் உரை - பயன் இலவாகிய பொருள்களை ஒருவன் விரித்து உரைக்கும் உரைதானே, நயன் இலன் என்பது சொல்லும் - இவன் நீதி இலன் என்பதனை உரைக்கும். (உரையால் இவன் 'நயனிலன்' என்பது அறியலாம் என்பார், அதனை உரைமேல் ஏற்றி, 'உரை சொல்லும்' என்றார்.)
சாலமன் பாப்பையா
பயனற்ற சொற்களை விரித்துப் பேசும் ஒருவன் பேச்சு அவன் நீதியற்றவன் என்பதைக் காட்டிவிடும்.
Meaning in English
Diffusive speech of useless words proclaims A man who never righteous wisdom gains