நன்றிக்கு வித்தாகும் நல்லொழுக்கம் தீயொழுக்கம்என்றும் இடும்பை தரும்.
nanRikku vittAkum nallozhukkan tIyozhukkamenRum iTumpai tarum
Varshan
பொருள் / உரை
முருகா எளிய உரை
நல்லொழுக்கமானது ஒரு மனிதனின் வாழ்வில் எல்லா நன்மைகளுக்கும் இன்பங்களுக்கும் அடிப்படையான விதை போல அமையும்; ஆனால் தீயொழுக்கமோ அவனுக்கு எந்நாளும் தீராத பெருந்துன்பத்தையே விளைவிக்கும்.
• நல்லொழுக்கம் = நல் ஒழுக்கமானது• நன்றிக்கு = நன்மைகளுக்கும் இன்பங்களுக்கும்• வித்தாகும் = விதை போன்ற அடிப்படையாகும்;• தீயொழுக்கம் = தீய ஒழுக்கமோ• என்றும் = எக்காலத்திலும்• இடும்பை தரும் = துன்பத்தையே தரும்.
மு.வரதராசன்
நல்லொழுக்கம் இன்பமான நல்வாழ்க்கைக்குக் காரணமாக இருக்கும்; தீயொழுக்கம் எப்போதும் துன்பத்தைக் கொடுக்கும்.
பரிமேலழகர்
நல் ஒழுக்கம் நன்றிக்கு வித்து ஆகும். - ஒருவனுக்கு நல் ஒழுக்கம் அறத்திற்குக் காரணமாய் இருமையினும் இன்பம் பயக்கும்; தீயொழுக்கம் என்றும் இடும்பை தரும் - தீய ஒழுக்கம் பாவத்திற்குக் காரணமாய் இருமையினும் துன்பம் பயக்கும். ('நன்றிக்கு வித்தாகும்' என்றதனால் தீயொழுக்கம் பாவத்திற்குக் காரணமாதலும் 'இடும்பை தரும்' என்றதனால் நல் ஒழுக்கம் இன்பம் தருதலும் பெற்றாம், ஒன்று நின்றே ஏனையதை முடிக்கும் ஆகலின். இதனான் பின்விளைவு கூறப்பட்டது.)
சாலமன் பாப்பையா
நல்லொழுக்கம், அறமாகிய நன்மைக்கு வித்தாக அமைந்து இம்மை மறுமையிலும் இன்பம் தரும்; தீயொழுக்கமோ துன்பமே தரும்.
Meaning in English
'Decorum true' observed a seed of good will be; 'Decorum's breach' will sorrow yield eternally