நினைத்திருந்து நோக்கினும் காயும் அனைத்துநீர்யாருள்ளி நோக்கினீர் என்று.
ninaittiruntu nOkkinum kAyum anaittunIryAruLLi nOkkinIr enRu
Jagadeesh
பொருள் / உரை
முருகா எளிய உரை
பேசினால் குற்றம் என்று அமைதியாக இருந்து அவளது அழகை ரசித்து நோக்கினாலும், 'என் உடல் உறுப்புகளை வேறு எந்தப் பெண்ணோடு ஒப்பிட்டுப் பார்க்கிறீர்?' என்று சொல்லி என் மீது சினம் கொள்வாள்!
• நினைத்திருந்து நோக்கினும் காயும் = அவளது அழகை நினைத்து அமைதியாக அவளையே பார்த்துக் கொண்டிருந்தாலும் சினம் கொள்வாள்;• அனைத்து நீர் யார் உள்ளி நோக்கினீர் என்று = 'என் உடல் உறுப்புகள் ஒவ்வொன்றையும் வேறு எந்தப் பெண்ணோடு ஒப்பிட்டுப் பார்த்து ரசிக்கிறீர்?' என்று சொல்லி!
மு.வரதராசன்
அவளுடைய அழகை நினைத்து அமைதியாக இருந்து நோக்கினாலும், நீர் யாரை நினைத்து ஒப்புமையாக எல்லாம் பார்க்கின்றீர்? என்று சினம் கொள்வாள்.
பரிமேலழகர்
(இதுவும் அது.) நினைத்து இருந்து நோக்கினும் காயும் - என் சொற்களும் செயல்களும் பற்றித் தான் வெகுடலான், அவற்றையொழிந்திருந்து தன் அவயங்களது ஒப்பின்மையை நினைந்து அவற்றையே நோக்கினும் என்னை வெகுளாநிற்கும்; அனைததும் நீர் நோக்கினீர் யார் உள்ளி என்று - நீர் என் அவயவமனைத்தும் நோக்கினீர, அவற்றது ஒப்புமையான் எம் மகளிரை நினைந்து? என்று சொல்லி. ('யான் எல்லா அவயங்களானும் ஒருத்தியொடு ஒத்தல் கூடாமையின், ஒன்றால் ஒருவராகப் பலரையும் நினைக்கவேண்டும்; அவரெல்லாரையும் யான் அறியச் சொல்லுமின்', என்னுங் கருத்தால் 'அனைத்தும் நோக்கினீர் யாருள்ளி'? என்றாள். 'வாளாவிருத்தலும் குற்றமாயிற்று' என்பதாம்.)
சாலமன் பாப்பையா
என் பேச்சிலும், செயலிலும் அவள் கோபம் கொள்வதால், பேசாமல், அவள் உறுப்புகளின் அழகை எண்ணி அவற்றையே பார்த்திருப்பேன். அதற்கு எவள் உறுப்புப் போல் இருக்கிறதென்று என் மேனியைப் பார்க்கிறீர். என்று சொல்லிச் சினப்பாள்.
Meaning in English
I silent sat, but thought the more, And gazed on her Then she Cried out, 'While thus you eye me o'er, Tell me whose form you see'