கூடிய காமம் பிரிந்தார் வரவுள்ளிக்கோடுகொ டேறுமென் நெஞ்சு.
kUTiya kAmam pirintAr varavuLLikkOTuko TERumen nenjsu
Mukhil Mayuri
பொருள் / உரை
முருகா எளிய உரை
முன்பு என்னோடு கூடியிருந்த காதலை விட்டுப் பிரிந்து சென்ற என் காதலர் மீண்டும் என்னிடம் வந்து கூடும் வரவை நினைத்து, என் நெஞ்சமானது மரத்தின் உச்சிக்கிளையில் தாவி ஏறி வழி பார்ப்பது போல் மேன்மேலும் ஆர்வத்தோடு பூரித்து எழுகின்றது!
• கூடிய காமம் பிரிந்தார் = முன்பு என்னோடு கூடியிருந்த காதலை விட்டுப் பிரிந்து சென்ற காதலர்,• வரவு உள்ளி = மீண்டும் என்னிடம் வந்து கூடும் வரவை நினைத்து,• என் நெஞ்சு = என் நெஞ்சமானது,• கோடு கொடு ஏறும் = மரத்தின் உச்சிக்கிளையில் தாவி ஏறி வழி பார்ப்பது போல் மேன்மேலும் ஆர்வத்தோடு பூரித்து எழுகின்றது!
மு.வரதராசன்
முன்பு கூடியிருந்த காதலைக் கைவிட்டுப் பிரிந்த அவருடைய வருகையைநினைத்து என் நெஞ்சம் மரத்தின் கிளைகளின் மேலும் ஏறிப் பார்க்கின்றது.
பரிமேலழகர்
(இதுவும் அது.) பிரிந்தார் கூடிய காமம் வரவு உள்ளி - நீங்கிய காமத்தராய் நம்மைப் பிரிந்து போயவர் மேற்கூறிய காமத்துடனே நம்கண் வருதலை நினைந்து; என் நெஞ்சு கோடு கொடு ஏறும் - என் நெஞ்சு வருத்தமொழிந்து மேன்மேற் பணைத் தெழாநின்றது. (வினைவயிற் பிரிவுழிக் காமஇன்பம் நோக்காமையும், அது முடிந்துழி அதுவே நோக்கலும் தலைமகற்கு இயல்பாகலின், 'கூடிய காமமொடு' என்றாள், 'ஒடு' உருபு விகாரத்தால் தொக்கது. கோடு கொண்டேறலாகிய மரத்தது தொழில் நெஞ்சின்மேல் ஏற்றப்பட்டது. கொண்டு என்பது குறைந்து நின்றது. 'அஃதுள்ளிற்றிலேனாயின் இறந்து படுவல்', என்பதாம்.)
சாலமன் பாப்பையா
என்னைப் பிரிந்து போனவர் மிகுந்த காதலுடன் என்னிடம் வருவதை எண்ணி, என் நெஞ்சு வருத்தத்தை விட்டுவிட்டு மகிழ்ச்சியில் கிளை பரப்பி மேலே வளர்கிறது.
Meaning in English
'He comes again, who left my side, and I shall taste love's joy,'- My heart with rapture swells, when thoughts like these my mind employ