மறைப்பேன்மன் காமத்தை யானோ குறிப்பின்றித்தும்மல்போல் தோன்றி விடும்.
maRaippEnman kAmattai yAnO kuRippinRittummalpOl tOnRi viTum
திருக்குறள் / THIRUKKURAL
பொருள் / உரை
முருகா எளிய உரை
என் காதல் வேட்கையை யாருக்கும் தெரியாமல் என்னுள்ளேயே மறைத்து வைக்கவே நினைக்கின்றேன்; ஆனால் அது என் கட்டுப்பாட்டிற்குள் அடங்கி நிற்காமல், நாம் அடக்க நினைத்தாலும் தன்னால் வெளிப்பட்டுவிடும் தும்மலைப் போல் ஊரறிய வெளிப்பட்டு விடுகின்றது!
• யான் காமத்தை மறைப்பேன் = என் காதல் வேட்கையை யாருக்கும் தெரியாமல் என்னுள்ளேயே மறைத்து வைக்கவே நினைக்கின்றேன்;• குறிப்பு இன்றி = ஆனால் அது என் கட்டுப்பாட்டிற்குள் நிற்காமல்,• தும்மல் போல் தோன்றிவிடும் = நாம் அடக்க நினைத்தாலும் தானே வெளிப்படும் தும்மலைப் போல் ஊரறிய வெளிப்பட்டு விடுகின்றது!
Murugaa simple commentary
I intend to keep my longing of love hidden within myself without anyone knowing; but without staying contained within my control, like a sneeze that comes out on its own even if we try to suppress it, it reveals itself for the whole town to know!
• I will conceal my passion = I intend to keep my longing of love hidden within myself without anyone knowing;• Without indication = but without staying within my control,• It appears like a sneeze = like a sneeze that comes out on its own even if we try to suppress it, it reveals itself for the whole town to know!
Machine translation from the Tamil
மு.வரதராசன்
யான் காமத்தை என்னுள்ளே மறைக்க முயல்வேன்; ஆனால் அதுவே என் குறிப்பின்படி நிற்காமல் தும்மல் போல் தானே வெளிப்பட்டு விடுகிறது.
பரிமேலழகர்
(மகளிர் காமம் மறைக்கப்படும், என்றாட்குச் சொல்லியது.) காமத்தை யான் மறைப்பேன் - இக்காமத்தை யான் என்னுள்ளே மறைக்கக் கருதுவேன்; குறிப்பு இன்றித் தும்மல் போல் தோன்றிவிடும் - அதனாலென், இஃது என் கருத்தின் வாராது தும்மல் போல் வெளிப்பட்டே விடாநின்றது. ('மன்' ஒழியிசைக் கண் வந்தது. ஓகாரம் இரங்கற்கண் வந்தது. 'தும்மல் அடங்காதாற் போல அடங்குகின்றதில்லை' என்பதாம்.)
Parimelazhagar
(Spoken to her who said, the desire of women should be concealed.) I will conceal my desire, I intend to conceal this desire within myself; without my intention it appears like a sneeze, what of that, this does not follow my intention and keeps coming out in the open like a sneeze. ('Man' came in the sense of an implied remainder. The letter 'o' came in the sense of lamentation. The meaning is, 'Just as a sneeze cannot be suppressed, it is not being suppressed'.)
Machine translation from the Tamil
சாலமன் பாப்பையா
என் காதல் ஆசையை நான் மறைக்கவே எண்ணுவேன்; ஆனால், அது எனக்கும் தெரியாமல் தும்மலைப் போல் வெளிப்பட்டு விடுகிறது.
Meaning in English
I would my love conceal, but like a sneeze It shows itself, and gives no warning sign

