முயக்கிடைத் தண்வளி போழப் பசப்புற்றபேதை பெருமழைக் கண்.
muyakkiTait taNvaLi pOzhap pasappuRRapEtai perumazhaik kaN
Nakkhul
பொருள் / உரை
முருகா எளிய உரை
சொல் பொருள் (பதவுரை):• முயக்கிடை தண் வளி போழ = நாங்கள் இறுகத் தழுவியிருந்த உடல்களுக்கு இடையே ஒரு சிறிய குளிர்ந்த காற்று நுழைந்ததைக் கண்ட உடனேயே;• பேதை பெரு மழை கண் பசப்புற்ற = அந்தச் சிறிய இடைவெளியையும் பொறுக்காமல், என் காதலியின் குளிர்ந்த பெரிய கண்கள் ஒளியிழந்து பசலை நிறம் அடைந்தனவே!எளிய விளக்கம்:(தலைவன் நினைப்பது) நாங்கள் இறுகத் தழுவியிருந்த உடல்களுக்கு இடையே ஒரு மெல்லிய குளிர்ந்த காற்று நுழைந்த உடனேயே, அந்தச் சிறிய இடைவெளியையும் பிரிவு என்று எண்ணி என் காதலியின் குளிர்ந்த பெரிய கண்கள் ஒளியிழந்து பசலை அடைந்தனவே; அத்தகைய மென்மையானவள் இப்போது நாடுகள் கடந்த இந்த நீண்ட பிரிவை எப்படித் தாங்குவாளோ?
மு.வரதராசன்
தழுவுதலுக்கு இடையே குளி்ந்த காற்று நுழைய, காதலியின் பெரிய மழை போன்ற கண்கள் பசலை நிறம் அடைந்தன.
பரிமேலழகர்
(இதுவும் அது.) முயக்கிடைத் தண் வளி போழ - அங்ஙனம் கைகளை ஊக்குதலான் அம் முயக்கிடையே சிறுகாற்று நுழைந்ததாக; பேதை பெருமழைக்கண் பசப்புற்ற - அத்துணையிடையீடும் பொறாது, பேதையுடைய பெரிய மழைக் கண்கள் பசப்புற்றன; அத்தன்மையவான கண்கள், மலைகளும் காடும் நாடுமாய இவ்விடையீடுகளையெல்லாம் யாங்ஙனம் பொறுத்தன?(தண்மை - ஈண்டு மென்மைமேல் நின்றது. 'போழ' என்றது, உடம்பு இரண்டும் ஒன்றானது தோன்ற நின்றது. மழை - குளிர்ச்சி)
சாலமன் பாப்பையா
(அப்படி) நான் கையை மெல்ல எடுத்ததால் எங்கள் தழுவலுக்கு இடையே குளிர்ந்த சிறுகாற்று நுழைந்தது. இந்த இடைவெளியைக்கூடப் பொறுக்காமல் அவளுடைய பெரிய குளிர்ந்த கண்கள் நிறம் இழந்தன. இப்போது அவை எப்படி இருக்கின்றனவோ?
Meaning in English
As we embraced a breath of wind found entrance there; The maid's large liquid eyes were dimmed with care