சாயலும் நாணும் அவர்கொண்டார் கைம்மாறாநோயும் பசலையும் தந்து.
sAyalum nANum avarkoNTAr kaimmARAnOyum pasalaiyum tantu
Srividhya Kannan
பொருள் / உரை
முருகா எளிய உரை
என்னை விட்டுப் பிரியும் போதே அதற்கு ஈடாகத் தீராத காதல் துன்பத்தையும் உடலெங்கும் படரும் பசலை நிறத்தையும் எனக்குத் தந்துவிட்டு, என் உடலின் பொலிவையும் பெண்மைக்குரிய நாணத்தையும் அவரே தம்மோடு எடுத்துச் சென்றுவிட்டார்!
• கைம்மாறா நோயும் பசலையும் தந்து = என்னை விட்டுப் பிரியும் போது அதற்குப் பகரமாகத் தீராத காதல் நோயையும் பசலை நிறத்தையும் எனக்குக் கொடுத்துவிட்டு;• சாயலும் நாணும் அவர் கொண்டார் = என்னுடைய உடலழகையும் பெண்மைக்குரிய நாணத்தையும் அவரே தம்முடன் எடுத்துச் சென்றுவிட்டார்!
மு.வரதராசன்
காம நோயையும் பசலை நிறத்தையும் எனக்குக் கைம்மாறாக கொடுத்து விட்டு, என் சாயலையும் நாணத்தையும் அவர் என்னிடமிருந்து பெற்றுக் கொண்டார்.
பரிமேலழகர்
('அழகும் நாணும் அழியாமல் நீ ஆற்றல் வேண்டும்', என்ற தோழிக்குச் சொல்லியது.) கைம்மாறா நோயும் பசலையும் தந்து - பிரிகின்ற ஞான்றே அவ்விரண்டற்கும் தலைமாறாக இக்காமநோயினையும் பசலையையும் எனக்குத் தந்து; சாயலும் நாணும் அவர் கொண்டார் - என் மேனியழகினையும் நாணினையும் அவர் கொண்டு போயினார். (எதிர் நிரல் நிறை. 'அடக்குந்தோறும் மிகுதலான், நோய் நாணிற்குத் தலைமாறாயிற்று. இனி அவர் தந்தாலல்லது அவை உளவாகலும் இவை இலவாகலும் கூடா', என்பதாம்.)
சாலமன் பாப்பையா
அவர் என்னைப் பிரிகிறபோதே உள்ளத் துன்பத்தையும் பசலையையும் எனக்குக் கொடுத்துவிட்டு அவற்றுக்கு ஈடாக என் அழகையும் வெட்கத்தையம் கொண்டு போய்விட்டார்.
Meaning in English
Of comeliness and shame he me bereft, While pain and sickly hue, in recompense, he left