உறாஅதோ ஊரறிந்த கெளவை அதனைப்பெறாஅது பெற்றன்ன நீர்த்து.
uRAatO UraRinta kauvai atanaippeRAatu peRRanna nIrttu
Sruthi Sankaran
பொருள் / உரை
முருகா எளிய உரை
எங்கள் காதலை ஊரார் அறிந்து பேசுகின்ற அலரானது எங்களுக்கு நல்லதொரு நன்மையைத் தரக்கூடியது அல்லவா? காதலியை இன்னும் மனைவியாகப் பெறாத நிலையிலும், அவளை முழுமையாகப் பெற்றுவிட்டதைப் போன்ற பேரின்பத்தை அந்த ஊர்ப்பேச்சு எனக்குத் தருகிறது!
• ஊர் அறிந்த கௌவை உறாஅதோ = எங்கள் காதலை ஊரார் அறிந்து பேசுகின்ற அலரானது எங்களுக்குப் பொருத்தமான நன்மையைத் தரக்கூடியது அல்லவா?• அதனைப் பெறாஅது பெற்றன்ன நீர்த்து = காதலியை இன்னும் முறைப்படி தழுவிப் பெறாத நிலையிலும், அவளைப் பெற்றுவிட்டதைப் போன்ற பேரின்பத்தை அந்த அலர் எனக்குத் தருகிறது!
மு.வரதராசன்
ஊரார் எல்லோரும் அறிந்துள்ள அலர் நமக்குப் பொருந்தாதோ, (பொருந்தும்) அந்த அலர் பெறமுடியாமலிருந்து பெற்றார் போன்ற நன்மை உடையதாக இருக்கின்றது.
பரிமேலழகர்
(இதுவும் அது.) ஊர் அறிந்த கௌவை உறாஅதோ - எங்கட்குக் கூட்டம் உண்மை இவ்வூர் அறிதலான் விளைந்த அலர் எனக்கு உறுவதொன்றன்றோ; அதனைப் பெறாது பெற்றன்ன நீர்த்து - அது கேட்ட என் மனம் அக்கூட்டத்தைப் பெறாதிருந்தே பெற்றாற்போலும் நீர்மையுடைத்து ஆகலான். (பெற்றன்ன நீர்மை: பெற்றவழி உளதாம் இன்பம் போலும் இன்பமுடைமை. 'நீர்த்து' என்பதற்கு ஏற்ற 'மனம்' என்னும் வினைமுதல் வருவிக்கப்பட்டது.)
சாலமன் பாப்பையா
எங்களக்குள் காதல் இருப்பதை இந்த ஊர் அறிந்து பேசியதும் நல்லதே, (திருமணத்தைச்) செய்ய முடியுமா என்றிருந்த நிலை போய்ச் செய்தது போல் ஆயிற்று.
Meaning in English
The rumour spread within the town, is it not gain to me? It is as though that were obtained that may not be