கண்ணுள்ளார் காத லவராகக் கண்ணும்எழுதேம் கரப்பாக்கு அறிந்து.
kaNNuLLAr kAta lavarAkak kaNNumezhutEm karappAk kaRintu
Hemambiga
பொருள் / உரை
முருகா எளிய உரை
என் காதலர் எப்போதும் என் கண்களுக்குள்ளேயே குடியிருக்கிறார்; கண்களுக்கு அஞ்சனம் தீட்டினால் அந்த நொடிப்பொழுதில் அவர் உருவம் மறைந்து விடுமோ என்று பயந்து, நான் என் கண்களுக்கு மைகூடத் தீட்டாமல் இருக்கிறேன்!
• காதலவர் கண்ணுள்ளார் ஆக = என் அன்புக் காதலர் எப்போதும் என் கண்களுக்குள்ளேயே குடி கொண்டிருப்பதால்;• கரப்பாக்கு அறிந்து = கண்ணுக்கு மை தீட்டும் போது அந்தச் சிறு நேரத்தில் அவர் என் பார்வையிலிருந்து மறைந்து விடுவாரோ என்று அஞ்சி,• கண்ணும் எழுதேம் = கண்களுக்கு மையைக் கூட எழுதாமல் தவிக்கிறேன்.
மு.வரதராசன்
எம் காதலர் கண்ணினுள் இருக்கின்றார், ஆகையால் மை எழுதினால் அவர் மறைவதை எண்ணிக் கண்ணுக்கு மையும் எழுதமாட்டோம்.
பரிமேலழகர்
(இதுவும் அது.) காதலவர் கண் உள்ளாராகக் கண்ணும் எழுதேம் - காதலர் எப்பொழுதும் எம் கண்ணின் உள்ளார் ஆகலான், கண்ணினை அஞ்சனத்தால் எழுதுவதும் செய்யேம்; கரப்பாக்கு அறிந்து - அத்துணைக் காலமும் அவர் மறைதலை அறிந்து. (இழிவு சிறப்பு உம்மை மாற்றப்பட்டது. 'கரப்பாக்கு' என்பது வினைப்பெயர். வருகின்ற 'வேபாக்கு' என்பதும் அது. 'யான் இடை ஈடின்றிக் காண்கின்றவரைப் பிரிந்தார் என்று கருதுமாறு என்னை'? என்பது குறிப்பெச்சம்.)
சாலமன் பாப்பையா
என் கண்ணுக்குள் அவர் இருப்பதால் கண்ணுக்கு மை தீட்டும் நேரம் அவர் மறைய நேரும் என்பதை அறிந்து மையும் தீட்டமாட்டேன்.
Meaning in English
My love doth ever in my eyes reside; I stain them not, fearing his form to hide